Emi_mama

用後皮膚觸感好滑,唔會有反白效果,妝感自然,用足一日唔見有出油情況,不錯!

夏天都岩用的美白精華,質感清爽,超快吸收,純天然敏感皮膚都岩用!

雖然用完之後,陣味道真係好大,好似中藥味咁,但頭髮真係長左好多同厚返!所以都要keep住用!建議唔出街先用,因為氣味大!

之前以為頭髮乾先會斷,試過好多好潤的護髮素都冇改善,但自從用左呢支後,就改善左好多,頭髮更厚返少少!

見好多韓國youtuber介紹,見佢地每次素顏之後一塗個V7 VitaLaser 就即時均匀膚色!試用後真係好有光澤,唔化妝的日子,單塗都可以出街!

有次去韓國工作,唔記得帶面霜,見周圍都係去Dr,Jart+宣傳,就去買支 Cream用,結果好好用, -12度又乾燥的天氣內,5日都冇甩皮,又唔油膩,冇敏感情況出現!

當面部有濕疹發作的時候,我都會轉用呢支Cleanser,用後唔崩緊,同時夠清潔去油脂!

本身自己同埋兩個小朋友都有濕疹,一轉天氣就周身痕,依家每日沖涼後都用呢支cream,紅點同乾燥甩皮情況好左好多!小朋友都岩用!

眼影內的黃色係Magic Touch,塗於眼頭或者眼尾3分1位置,即時令精神晒,2019大熱的粉紅啡組合,又係不會錯的選擇!

超級貼面同顯色,係各大日本雜誌都推薦的眼影膏! 自己用開,一整日都唔溶,十分好!

一次拍攝關係認識到ETOVS品牌,仲用過呢盒修容霜,其實唔止用於修容,可以用黎做眼影同胭脂,質感貼伏又易推!

本身皮膚乾,摸落膚質唔夠平滑,用左呢支精華後,皮膚柔軟好多,平滑左少少,鼻頭甩皮都完全好返晒!