hehawewa

相對於唇彩、唇蜜，我偏愛唇膏，因為唔鍾意個嘴望落好油笠笠。呢支唇膏質感輕盈，順滑易搽，滋潤保濕，有效遮蓋唇紋，顏色啞緻無光感，但超顯色，啱晒唔鍾意個嘴令立立嘅人。

質地軟滑水潤，搽上嘴好保濕，感覺唔會油笠笠，唇膏就咁睇顏色以為好深色，其實搽上嘴有透明色感，水亮又顯色，可遮蓋唇紋同唇色，效果立體自然，但持久度一般。

乳霜狀質地，水潤易推，好保濕，舒緩乾燥肌膚，又唔黏笠，清爽透薄，無負擔感。遮暇度一般，但可均勻膚色，而且有珠光效果，皮膚亮澤自然，妝感自然。

質地清爽唔黏笠，唔似其他粉底液含油脂，水潤易推，妝容透薄貼服自然，遮瑕度理想，多搽幾層基本上細紋、毛乳、雀斑都遮到，妝效持久。

質感順滑易推，份量用少少就夠，否則皮膚會感覺厚重，有少少黏笠，不過佢遮瑕度好好，鼻頭上較大的毛孔可以遮蓋掉，係會有少少浮粉，情況可以接受，佢淡斑、均勻膚色效果都唔錯。

質感順滑，方便易用，只要在臉上化上幾條，用手或海棉推開，就可快速完成底妝，妝感薄透自然，遮暇度唔錯，就算用多咗都唔覺厚重；而且唇膏狀設計帶出街隨時補妝好方便。

乳霜狀粉底，好易推開，份量用少少就足夠搽勻塊面，滋潤度高，好保濕，遮瑕力比粉底液好，好貼服又可以均勻膚色，妝感自然，控油唔錯，唔浮粉，效果持久。

粉質細緻，絲般質感，不飛粉，貼服易推，有微微珠光，用少少已經好顯色，妝感自然持久，全日都唔會出油，一盒可以用好耐，性價比高。

果凍質感，呈淡粉橙色，好水潤易推，清爽不黏笠，滲透度高，皮膚好快吸收，夜晚當睡眠面膜用，第二朝感覺到有層凝膠喺臉，好保濕鎖水，皮膚繃緊、乾燥、細紋、甩皮問題都改善咗。

浮雕向日葵造型好精緻，呢款胭脂網上好多人討論，膏狀質感推開會變成粉末，質地輕盈，觸感細滑，用手指或掃上都好顯色，自然紅潤，貼服不留粉痕，色調持久鮮明。

質地唔油唔水，滴管式設計易控制用量，兩、三滴可推勻全臉，易推易吸收，清爽唔黏笠，感覺鎖水保濕，keep住用，角質死皮少咗、皮膚都白咗。

柔肌液呈啞粉色，質地偏濃稠及較厚身，相對遮暇度同肌膚提亮度較高，感覺有啲難推勻，同埋個設計好難控制份量，最好先滴喺手背再慢慢搽，妝感貼服自然。