hehawewa

性價比高嘅防曬乳，一買再買。質地水潤透薄，皮膚易吸收，滲透度高，比一般防曬乳輕薄，皮膚無負擔感，防曬度數足，保濕鎖水程度高，當化妝前底霜，妝感貼服自然，控油同持久度都高。

RMK啲產品好好用，平時多數用粉底液加碎粉，但試過呢款粉餅，感覺好貼服，又有透明感，遮瑕度高，而且可以改善膚色，控油做得好好，唔會卡粉浮粉，妝容持久度高，大推！

居家必備凡士林！口碑好，由細用到大，真心好用，搽手、搽身、搽嘴都一樣得，既滋潤又可修復受損肌膚，質地易推又吸收。

妝前乳質地濃稠，尚算易推，呈粉紅色，有調色效果，膚色感覺冇咁黃都明亮咗，但個人覺得偏白，可以因爲有防曬成份。不過佢同我用開嘅粉底液唔夾，起晒擦膠碎，浮妝又浮粉，所以冇再用。

同一系列嘅潔面乳、爽膚水、精華液都好好用，緊係入手埋日霜，質地輕薄易推，皮膚滲透度理想，滋潤得嚟唔黏笠，保濕又鎖水。

好好用嘅護唇膏，已經用咗三支，今次買梨味，淡淡果香好甜，膏狀質地，塗上嘴好快化開，易推易吸收，好滋潤，瞓覺前搽第二朝感覺到好保濕，唯一唔好擠出嚟用有啲唔方便，太大力會擠多咗。

本身塊面容易泛紅同敏感，習慣用天然有機護膚油，Melvita呢支有機金盞花油，質地易推，每次用兩三滴可搽勻全臉，皮膚吸收快，唔會油笠笠，鎖水又保濕，皮膚冇咁易乾，效果同Keihl's嗰支差唔多，但冇咁重香味，我會揀呢支多啲。

手套用上特製布質，設計能防止精華滲出之餘，敷住手玩手機 、打遊戲機都完全冇問題。手套有滿滿嘅精華液，皮膚吸收度好，敷完對手好水潤，保濕又鎖水，皮膚都冇咁乾燥繃緊，細紋少咗，白滑又有彈性。

試過植眼睫毛，但我成日手多捽眼，好快甩，經朋友介紹用ZINO睫毛增長精華，超幼細刷頭，容易控制份量，好快乾又唔笠，用咗兩個星期，睫毛甩少咗又長咗，效果好好。

有用過同品牌嘅其他產品，感覺唔錯，所以買眼霜試試，軟管式瓶口設計，方便控制份量，質地輕薄柔順，清爽易推，好吸收、唔黏笠，用咗一個月，明顯有效改善眼周暗沉、淡化黑眼圈同細紋。

水凝霜質地好清爽，味道好清新，好易推，少少份量就可以搽勻全臉，不油不黏非常好吸收，塗抹後膚觸細緻滑順，保濕度好足夠，用咗半罐膚色均勻亮白咗，雀斑淡化咗，角質死皮都少咗。

親戚喺英國返嚟，知道我瞓得唔好，好醒瞓，特別買咗呢個香薰甜睡膏俾我用。個味道好特別，唔係難聞嘅草本味，瞓前搽少少喺人中同心口，聞住感覺好舒服放鬆，個人冇咁易醒，好用，值得推介！