hehawewa

天然產品賣得貴好正常，不過呢個細細盒，二百幾覺得特別貴，但佢效果真係好好，男朋友做嘢有手繭，又易乾爆拆，搽咗好返好多，皮膚好吸收，但真係要慳住用。

日霜散發淡淡嘅清香，質地清爽易推，溫和低刺激，唔會引起過敏，唔油笠，滲透度高，吸收快，用後皮膚感覺水嫩柔軟，保濕力好夠，有效減少細紋同乾紋。

外形細細支，帶出街收藏好方便，顏色好靚，而且好滋潤又好顯色，遮蓋唇色能力唔錯，唇紋都變得唔明顯，唔易脫色持久度幾好，不過就咁用佢有啲乾，先用潤唇膏打底會較好。

與同系列爽膚水一同購入，質感水水的不會很濃稠，溫和低刺激，易推開，皮膚吸收快，可惜冬天用滋潤度唔夠，好容易乾燥，夏天用又太油笠笠，感覺好唔舒服，美白未見效，我已經拎咗去當身體乳液用，容易暗沉爆拆的膝蓋、手踭，用咗就效果唔錯。

其實搽膠原蛋白成份嘅產品，皮膚吸收得唔會多，所以抱住試下心態。面霜稍微乳黃色，質地細緻，在臉上很好推，皮膚吸收度唔錯，用後水潤有光澤，保濕效果好，搽完再化妝好服貼，遮到細紋，唯一覺得麻麻係香味比較濃。

第一次接觸呢個品牌，第一次聽雪絨花呢個名，唔太清楚係乜，做下白老鼠。磨砂粒子幼細，順滑易推，感覺去角質死皮同時唔傷皮膚，洗臉後皮膚唔乾唔繃緊，仲好水潤保濕，之後搽其他護膚品都好吸收。

NARS Sissist呢款眼影個鏡面盒好靚，平時帶出街就咁拎出嚟照下就得，眼影質地細緻，薄薄一掃好顯色，控油程度唔錯，持久度高。

Sales話可以當埋洗髮露用，不過我個頭好易笠，所以唔敢試，淨係用佢嚟沖涼，creamy質地同普通沐浴露唔同，起泡ok，好柔潤綿密，好溫和，沖完涼皮膚感覺唔乾燥繃緊。

用過佢嘅護手霜超好用，好鍾意佢隻味，所以買埋同系列body lotion，質感比護手霜更幼滑細緻，皮膚吸收快，清爽不油笠，滋潤保濕，細紋冇晒。

四四方方嘅盒好靚，粉質幼滑細緻，四格唔同顏色嘅粉，使用時有特別技巧，倒轉輕搖粉盒再用粉撲轉一圈，撲上臉咁樣先可以均勻膚色，遮暇度一般，持久度同控油都一般。

擠出嚟嘅質地唔油唔水，清爽不黏膩，係淡淡嘅黃色，好容易推開，皮膚吸收快，搽咗皮膚唔會泛白，感覺十分自然，而且又有防曬功效，係好好嘅妝前底霜。

質地輕薄易推，沾上手指已感覺到水潤，均勻塗抹上臉，滲透度高，皮膚吸收快，即時鎖水保濕，化妝前用佢打底，肌膚全日都好水潤飽滿，唔浮妝、出油少，個妝仲好貼服。