milliesmiles

冬天皮膚好易乾，就算用咗幾多保濕嘅護膚品都好，都要Keep住補Cream滋潤返皮膚，不然會好易甩皮同爆拆！今次試用咗KANEBO滋養緊緻修護晚霜，估唔到效果都幾令我Surprised！KANEBO滋養緊緻修護晚霜嘅升級配方蘊含專利研發嘅 TAISHI™️ Comple，搽完上面就好似幫皮膚敷咗塊隱形睡眠面膜咁，貼住皮膚又唔黏笠，成晚幫皮膚鎖水同修護！最Surprised係當我第二朝起身，見到塊面好似飲飽水咁，摸落去仲滑啲；入面仲有煙酰胺，除咗保濕，仲可以改善細紋，我自己習慣會搽埋喺頸，都發現頸紋無咁深添！同埋，我自己好鍾意佢嘅香氣，聞落令人好Relaxed，真係超級推介畀大家！題外話，見到效果咁好，我有諗過試下厚敷當Mask咁用，不過唔捨得每晚咁做?如果有SIS試過，不如分享下你哋嘅感受呀，Haha～

天氣時凍時暖，皮膚適應唔到又容易乾燥甩皮，加上年紀漸長，feel到膠原蛋白慢慢流失，皮膚無以前咁緊緻嫩滑?今次好開心收到嚟自法國No.1天然個人護理及護膚品牌 Yves Rocher匠心打造嘅全新膠原寒冰花日霜試用，成個膠原寒冰花系列係特別為28歲以上嘅輕熟肌而設，幫助擊退皮膚初老問題。 主打優質頑強特別成分 其實市面上都有唔少產品係為輕熟肌而設，咁呢款產品有咩特別之處？主打就係高濃度寒冰花活性成分，呢種成分原產自南非沙漠地區，本身擁有頑強生命力，另外採用埋攞咗專利嘅「植物冷萃取技術」將成分功效發揮至極，有效激活皮膚入面嘅膠原蛋白增生及透明質酸自生，有十足功效對付到啲皺紋、笑紋、虎紋之類，平時我唔太鍾意笑就係因為容易有紋！今次有咗呢款產品之後，可以笑返多啲? 質地易吸收 配合按摩手法更佳 通常呢類產品質地都會比較厚身難吸收，但出乎意料係佢質地偏厚身，但吸收得好快，一搽上面再加埋簡單按摩手法就好快吸收到，皮膚即時飲飽水咁，同埋我自己會用埋落頸，感覺一啲都唔黐笠笠，完全唔會黐頭髮！有興趣嘅姐妹不妨試一試，個人私心重點推介要配合簡單按摩，吸收完嘅效果係有光澤感㗎（滾動！）

其實我自己幾鍾意Fresh嘅品牌理念，將古法美容配方結合高端技術，主打天然植物為原材料，我自己係幾buy呢個concept～所以收到FRESH紅茶酵素抗氧精華水試用，我係超興奮！ 我自己習慣用任何護膚品都會做Research，確保了解清楚先會用上面！今次FRESH紅茶酵素抗氧精華水主要成分係「尼泊爾金芽茶葉」，仲要係喺喜馬拉雅山經人手一年四次採摘，可想而知原材料有幾咁珍貴，配合獨家雙重發酵，令到抗氧分子變到超級微細，咁樣先可以快速滲透落肌底，真正由肌底改善膚質，同時提高皮膚防禦力，24小時無間斷保護我哋嘅肌膚！同時，糅合埋透明質酸、蒿花萃取成分可以令皮膚更加Q彈，並且改善膚色不均！ 我用完之後，最大感受係佢嘅質地十分輕薄，好易吸收，同埋用落有淡淡茶氣，聞落好舒服，同出面一啲香精味好重嘅護膚品係兩種感覺。有時我會攞綿花濕敷上面，都明顯見到啲細紋淡咗，補濕度唔錯！用完之後我諗都會回購！Nice～