hhp441

依盒野都幾百搭,當初買的時侯係諗住方便出街修容同打亮補埋胭脂先買嘅.用到而家修容果格已經見底啦,其他都仲有排用.所以會另外買其他修容.我覺得佢最靚係Highlight淺粉色果格,效果幾驚喜,成盒的粉都好細,修容同打亮都唔會好明顯,適合日常妝容,持久度一般,大概4-5小時吧,以價錢來講依盒都算貴.

對我而言非常好用,自然色唔會似韓妝咁太白,遮瑕力好好,塊面的痘痘遮到7成,而且唔會焗到出暗粒!夏天用唔會笠,冬天保濕做好左都唔會卡粉,唔係成日用都差唔多用晒成枝,會回購.缺點係唔控油,好易溶妝,一定要撲蜜粉或用左控油BASE打定底,唔係出汗即溶!

超好用!仲未揾到佢的代替品.雖然我混合肌膚唔係敏感肌,但都feel到佢真係好温和,唔刺激.我係好憎用完仲會黏黏的感覺,好怕笠.最鐘意佢做到滋潤得來又唔笠,質地清爽好薄,尤其是夏天咁熱都唔覺得笠!不過佢冇控油,所以照出油,係出少左.用完都冇亂出痘痘,對皮膚穩定好有效,雖然佢唔會幫助消痘.

用過好幾款Johnson's Baby沐浴露,這款的香味幾淡,但好怪,唔太似牛奶味,同佢其他的沐浴露一樣清潔力偏低,算係好過藍色果枝啦,勝在夠温和,如果皮膚係易敏感或者偏乾的就好岩用,尤其是冬天.如果用開牌子會覺得佢起泡力好差,幾乎冇泡出,不過用耐左就慣

感覺上佢的功能比較單一,用左咁耐除左保濕之外冇乜特別效果,亦可能係我仲年輕未睇到佢有冇緊緻功效.但佢都係好抵用,天氣好乾都用到,有時甩皮用完就冇事,而且用量好少,所以一枝可以用到好耐,我有時會在敷MASK之前搽一層可以幫助吸收,效果更好.如果乾肌夏天用都無問題,因為加埋按摩,佢吸收都算快

都幾易沖洗,起到好多泡,又密,但係太乾,只可以夏天用.冬天用我沖完涼隻手會紅,佢陣香味我麻麻地,不過都唔算難聞的.