潔面啫喱嚟睇佢洗得都真係好乾淨，但我個人洗完之後會有種繃緊嘅感覺...嫌佢太乾！真係唔係好夠保濕。

見呢支潤唇膏之前好多人推介就買嚟試試，但用落覺得好一般…..唇膏外型係靚，香味都好香好好聞，但完全唔夠保濕，搽咗嘴唇都仲係甩皮。

我未試過一枝唇膏可以咁差，搽上咀一撻撻，現唇紋，同埋係極乾，本身嘴唇唔係太乾情況用完都會好乾。

唇膏質地滑順，顏色持久，不過我咀唇太乾，需要先用左潤唇膏打底，唔係用完會更乾

用過好多Shu uemura產品都幾好，但呢枝唇膏唔係咁好，有色差同難上色，用完似搽咗有色潤唇膏而唔係有妝感果種唇膏。

春夏天使用保濕效果不錯， 不過秋冬天時略嫌不夠保濕力度， 另外香味太濃，用完唔會再買喇。

This cleanser is not gentle at all. Everything underlying will got pull up. Depending on what you are after.

咁我手上呢枝就係#BE390嚟，其實隻Shade幾日常幾易襯。不過我真係嫌個海綿頭唔太衛生，首先用多幾次個頭就會勁污糟，有時仲會Hi埋落個蓋度，用得耐又驚海綿頭入面會儲埋好多細菌，想洗又唔知點洗好。咁講返佢個Texture，佢算係比較厚重嗰隻嚟，即係搽完你一定會Feel到有嘢喺個嘴上面嗰隻，但係相對地佢都有返咁上下嘅滋潤度，至少個嘴真係Keep到柔軟同埋真係做到個光澤出嚟。不過其中1個Drawbacks就係佢對乾唇唔係太Friendly，佢雖然係滋潤，但係同時佢又會Cling to dry patches，會搞到個嘴有幾忽特別深色，所以乾唇人士用佢之前真係要做足Lip Scrub去一去死皮先得；而另1個Drawback就係無論你搽完幾耐佢都會留唇膏印，無論你飲嘢食嘢定係用紙巾印佢，都一定會留唇膏印，留吓留吓慢慢就冇晒色了。Hence我覺得佢唔係1枝適合日常用嘅唇膏，因為你要個嘴唇嘅Condition非常好，出到嚟嘅妝效先會靚，而且平時食嘢飲嘢又要好小心，所以而家我都擺咗喺度冇用了。

敷完會覺得短暫亮澤左小小，但功效不大。保濕效果都係普通表現。面膜味道不會太過科學。可以當日常mask用

普通的保濕面膜，做到短暫保濕效果。精華液都算幾多，不過陣香料味有d重。可以間唔時用下，但唔好期待有咩效果。不過不失

我會畀2分係因為我同時都用緊另1個韓國牌子嘅暗瘡貼，對比之下呢隻暗瘡貼真係非常之唔好用。首先佢好厚，唔好諗住可以喺上面落concealer或者foundation遮，係絕對冇可能，而且佢係偏硬，唔係太flexible，鼻翼位鼻樑位係冇可能會黐得貼服，而且有時黐耐咗啲邊邊位會自己甩開咗，瞓覺之前黐嘅話有90%機會第二日起身會唔見咗張貼。題外話講吓，暗瘡貼本來就係只針對開放性暗瘡，即係你唧過佢或者佢已經出緊膿張暗瘡貼先會吸到嘢，如果係封閉性暗瘡（例如石頭瘡）你黐幾耐都冇用，不過曼秀雷敦呢隻暗瘡貼用落感覺特別容易留印，次次黐完粒暗瘡係就係扁咗，不過粒暗瘡會變到比平時更加紅更加黑，個印有排先褪得走，我用其他暗瘡貼都唔會咁，結果用咗幾張我就成包扔咗。

首先喺我身上呢隻mask係完全冇保濕修護效果，敷完會覺得塊臉好軟滑不過除此之外就冇其他感覺，塊臉摸落唔會特別水潤或者特別彈手。但係講到鎮靜方面效果唔差，我經常性會生hormonal acne，敷完啲暗瘡係會扁咗少少同埋冇咁紅。我會長期擺盒mask入雪櫃順便加埋收毛孔效果，但係以$520嚟講呢啲效果滿足唔到我，我會expect你真係做到自己官網講嘅效果。