春夏天使用保濕效果不錯， 不過秋冬天時略嫌不夠保濕力度， 另外香味太濃，用完唔會再買喇。

敷完會覺得短暫亮澤左小小，但功效不大。保濕效果都係普通表現。面膜味道不會太過科學。可以當日常mask用

普通的保濕面膜，做到短暫保濕效果。精華液都算幾多，不過陣香料味有d重。可以間唔時用下，但唔好期待有咩效果。不過不失

我會畀2分係因為我同時都用緊另1個韓國牌子嘅暗瘡貼，對比之下呢隻暗瘡貼真係非常之唔好用。首先佢好厚，唔好諗住可以喺上面落concealer或者foundation遮，係絕對冇可能，而且佢係偏硬，唔係太flexible，鼻翼位鼻樑位係冇可能會黐得貼服，而且有時黐耐咗啲邊邊位會自己甩開咗，瞓覺之前黐嘅話有90%機會第二日起身會唔見咗張貼。題外話講吓，暗瘡貼本來就係只針對開放性暗瘡，即係你唧過佢或者佢已經出緊膿張暗瘡貼先會吸到嘢，如果係封閉性暗瘡（例如石頭瘡）你黐幾耐都冇用，不過曼秀雷敦呢隻暗瘡貼用落感覺特別容易留印，次次黐完粒暗瘡係就係扁咗，不過粒暗瘡會變到比平時更加紅更加黑，個印有排先褪得走，我用其他暗瘡貼都唔會咁，結果用咗幾張我就成包扔咗。

首先喺我身上呢隻mask係完全冇保濕修護效果，敷完會覺得塊臉好軟滑不過除此之外就冇其他感覺，塊臉摸落唔會特別水潤或者特別彈手。但係講到鎮靜方面效果唔差，我經常性會生hormonal acne，敷完啲暗瘡係會扁咗少少同埋冇咁紅。我會長期擺盒mask入雪櫃順便加埋收毛孔效果，但係以$520嚟講呢啲效果滿足唔到我，我會expect你真係做到自己官網講嘅效果。

粉質幼滑，容易均勻地推開，很透薄自然，持久力高，一整天都不脫色，但滋潤度就略遜一籌，用後面上有種繃繃緊緊的感覺，而且見到有乾紋，不會回購。

價錢上非常貴，但用後同普通保濕面膜唔大分別，主要做到滋潤有返光澤同彈性感覺同時都有少少嫩滑效果，而改善膚色方面亦冇乜見到，感覺唔係好值咁貴。

用後感覺完全唔覺得有水潤效果，反而有少少刺激感，感覺唔係好舒服，而面膜都算貼面都算多精華，但就做唔到補濕效果，但用後有見到少少光澤感。

一款使用很簡便的面膜，用後的確感覺很乾淨，但用完皮膚有點繃緊，不太舒服，可能自己的皮膚較敏感，用完覺得有點痕癢，心有不憤，再試一次，結果除了痕癢還起了紅點。

聽落好像要經三個步驟，自然效果會好好，但依足所有指示做，效果跟另一些品牌的沒有大分別，我個人比較懶惰，所以吾會再回購啦 !

質地都有少少黏杰同難推，但推開後有貼服感同令膚色均勻番既效果，但就做唔到遮瑕效果，而且都有少少厚重問題，用後有出油問題。

質地比想像中厚，唔算易推開，搽完覺得好笠好厚重，遮瑕度低，搽完都唔覺得可以遮到瑕疵，只係覺得好厚重，持久度又低，唔太好用。