用後第一時間感覺到滋潤咗皮膚改善咗膚色暗啞嘅問題，而且質感唔黏笠，滲透後都幾清爽，不過亮白方面唔係好明顯，純粹覺得膚色有番光澤感覺。

雖然價錢唔平，但係都做到幾明顯嘅抗衰老效果同保濕感覺，主要令皮膚有返緊緻感覺，令細紋淡化撫平咗冇咁明顯，同時有效令皮膚增加彈性同嫩滑感，質感方面唔算黏笠，滲透後都幾清爽。

可以用作多種用途非常方便，不過個人認為用作眼影會比較合適，顏色上唔算多選擇，而用作眼影比較貼切，質地都幾柔滑易推，亦有少少滋潤感，用後做到唔錯嘅光澤效果。

顯色度夠高，質地都算細滑貼服，但係顏色上唔多選擇而且冇乜光澤感，做出眼妝效果比較普通，而持久度方面亦一般，都有少少甩色問題，但用後都有滋潤感覺。

係一隻比較滋潤嘅洗頭水，比較適合乾性頭髮使用，花香味好清新，而且用後全日都有呢一種香味 香味幾持久，用後都做到有柔順易梳嘅效果。

眼影粉質細滑易推而且顯色度夠高，推一下已經做到唔錯嘅眼妝效果，而且亦都有閃亮感，而持久度方面都算高，用咗全日都冇乜甩色，整體效果算唔錯。

眼影用後都夠亮麗有少少閃亮效果，粉質都算貼服冇飛粉問題，但係就做唔到持久效果，用咗半日開始有少少甩色，做唔到全日眼妝感覺。

呢隻防晒美白效果真係唔差, 首先用落唔油舒服, 唔會搽完之後有一節節色, 能夠美白得黎又夠自然呢一點已經好夠賣點, 加上唔算好貴, 對於皮膚比較黑既女仔幾值得試下

我一直都有用, 覺得好有效, 有敏感肌膚問題既女仔一定要試試, 因為佢保濕得黎有少少抗敏感既功效, 用完之後面紅面面痛既問題無晒

雖然有九種顏色嘅眼影同胭脂係好方便，隨意配搭唔同色澤效果，不過粉質方面唔夠貼服，有少少飛粉問題而且持久度唔太足夠，但顯色度方面都算高 ，但用後last唔到全日效果。

This contour of the brand is so colorful that provides a variety of color. The colors are so natural and comfortable to me so I think it is good for others.

用後比較有油笠問題有出頭油情況出現，氣味上唔算好清香，但係用後都有令頭髮柔順易梳減少開叉有番光澤嘅感覺，不過個人覺得淨係用洗髮露都足夠，唔需要再用護髮素。