其實 R.N.A.立體緊緻精華霜 的質地跟 R.N.A.立體緊緻修護眼霜 的一樣，都係帶點滋潤而不油膩的一種。而且份量亦只需很少，便很輕易的推至全面。搽完之後感覺肌膚就好似被一層薄薄的保護膜包著，幫助肌膚鎖水和提升肌膚彈力，而且做完一日嘢返到屋企都仍然感覺潤澤的。

神仙水一直都好好用，我對它從來都好有信心，快吸收又補濕，心目中的第一位!

這瓶SK-II R.N.A. 立體緊緻精華霜可以話係非常多功效！佢可以緊緻肌膚、減淡細紋， 令肌膚更保濕及更有光澤感。而且佢有驚人嘅滲透力，讓成分直達肌膚深層， 鞏固自身膠原蛋白結構，令肌膚變得更緊實、飽滿，幫你keep住年輕，年年keep住18歲都唔係冇可能！

R.N.A. 立體緊緻精華霜，配合按摩，真有覺得皮膚緊緻了，線條明顯了，再沒有包包面的煩惱，毛孔亦減淡了

前一排皮膚病，睇咗一輪醫生之後雖然在康復中，但是肌底因食得太多藥變得非常脆弱。 於是我開始在沒敏感的地方搽上 神仙水，感覺舒緩了肌膚因缺水的痕癢，而且解決了肌膚暗沉，提升了肌膚活力。

SK-II向來都是護膚界的表表者，多年來都深受大眾歡迎，還記得小時候已經認識這個品牌，媽媽也是品牌的用家～ 但SK-II俾我感覺向來都是富貴人家的護膚品，所以之前並不是它的長期用家～ 但一直聽身邊朋友說它的產品有幾好用又幾Work，作為一個好奇心重的我來說，也心思思的想試試，我想也有不少朋友跟我一樣！

面上肌膚突然覺得繃緊, 近望. 已經乾紋,毛孔盡現. 原來肌膚不知不覺中的濕度被空氣中抽乾. 不能再怠慢 即時為肌膚進行保水鎖水行動.

以前都有用過SKII的神仙水~ 因為有嚟自白米o既天然酵母 Pitera™~ 所以用完一支真係皮膚會變得好光澤好白~ 即使係冇化妝,都令人覺得好似上咗粉底咁~ 而且清爽得嚟好滋潤~ 秋天有少少乾糙泛紅o既肌膚都可以即刻平伏到~ 仲可以倒落面膜紙嚟個敷面~ 實在係好好用!

秋天開始乾~ 但係呢個R.N.A. 立體緊緻精華霜真係好滋潤~ 淨係試上手時都已經感覺到好潤澤~ 用完皮膚變得好有光澤~ 而且一向都好怕用cream好笠o既我都覺得可以接受~ 用完又唔會話塞毛孔起暗粒~ 實在係秋冬必備滋潤之選~

前言： 上年年尾喺 SK-II 專櫃攞過支神仙水試用裝用，用完成塊面敏感，自此我就將 SK-II 呢個牌子打咗入冷宮啦！ 但係，我就係死心不息！點解人人讚好嘅嘢，我會落得如此下場？雖則話我係敏感肌啫，但明明好多人都係敏感肌都用到 SK-II 㗎喎！ 後尾我發現咗問題嘅所在，就係自己使用不當！我用神仙水嘅時候冇用化妝棉，而係直接用手拍上面...... 嗱！人哋明明有說明書畀你睇，你自己用之前冇睇，真係唔關人事啦！ 所以今次試用 SK-II 呢 4 款產品之前，我真係有睇晒啲使用說明先用㗎 XD (亦都要讚讚 SK-II 官網介紹產品使用方法幾詳細，圖文並茂！) 背景資料： 承接上星期幫手湊小朋友嘅辛苦，今個星期產品試用仲堅！繼續要湊小朋友，日日同佢搏鬥，仲要唔夠瞓﹑轉天氣，仲要病鬼埋，你睇吓我第一日張相真係殘到自己都唔想出鏡 XD 又由於我真係好攰同冇時間，所以我試用產品呢個星期連定期去角質﹑磨砂﹑洗面機同 mask 通通都冇做，淨係每晚沖完涼先用一次 SK-II 呢 4 樣嘢。 年過 25 都話要開始抗衰老嘅年代，而即將步向 4 字頭嘅我，究竟 SK-II 呢個抗老修護系列又幫唔幫到我呢？ 第一日試用： 睇 SK-II 官網嘅產品介紹，話 Radical New Age R.N.A. 立體緊緻精華霜用一日就能夠全面細緻毛孔，而 New Age Essence R.N.A. 彈性再生精華一夜就可以淡化毛孔。試過就知你有冇呃我啦 XD 大家可以先睇吓我第一日嘅 before & after 相。神仙水用完乸面同有少少紅，好鬼驚呀！不過佢冇腫，同埋過咗陣啲紅都退返先冇咁驚。第一次用完 4 款產品，就咁用肉眼睇： 1) 額頭同頸嘅紋都有淡咗 2) 雙層眼袋變返一層，同埋對眼冇咁浮腫 3) 鼻翼同面頰嘅毛孔明顯縮小咗好多！ 4) 面珠登摸落嘅彈性好咗 咁睇落用完一次嘅效果，精華霜同再生精華嘅『一日 statement』都係成立嘅！ 第二日試用： 用產品之前照鏡，已經覺得同琴日嘅自己有明顯唔同咗！好神奇！證明產品嘅效果原來都幾 long-lasting！ 今日神仙水嘅份量落少咗，用嘅時候就冇咁乸面，同埋都冇再紅啦！係本身皮膚比較薄同乾嘅位乸啲。我之前有食過蝦紅素嘅保養產品，食完塊面真係好有彈性。今日用完產品摸摸塊面，彈性竟然同食咗蝦紅素一樣咁好！都幾 surprised！咁即刻話，只要 keep 住用，就唔使再額外食蝦紅素啦！ 去到第六日試用： 我真係用咁多護膚品，呢個情況係第一次見！發生咩事呢？就係我用沾咗神仙水嘅化妝棉輕力拍打個鼻時，啲粉刺竟然 bit 咗出嚟！咁我就一路拍，一路就抹走晒啲粉刺佢。呢件事究竟係因為神仙水好滋潤？定係幾款產品發揮功效所致？咁就要等我得閒去問問專櫃小姐得個知字啦！ 今日第七日試用： 用產品之前，突登攞咗支清黑頭粉刺針出嚟，睇吓仲有冇琴日清唔到嘅黑頭粉刺。點知乜都冇！個鼻竟然咁就乾淨晒！實在係太令人難以置信啦~ 望望相，皮膚白滑咗唔少！最感動嘅係，顯老嘅部位 (例如下爬嘅線條﹑毛孔粗大﹑紋) 有睇得出嘅分別！專頁話精華霜用十日就可以改善肌膚衰老嘅徵兆，令肌膚回復緊緻﹑細滑﹑緊實﹑同更富光澤。而再生精華用咗十日就能夠充滿彈性。喂，我信呀！因為我用咗七日就做到佢講嘅效果！我右眼內眼角有條都幾深嘅紋，因為我成日捽眼所致 :( 每次化妝我呢個位實勁卡粉㗎！我而家話畀你知，呢條紋真係冇咗！眼尾望落都冇咁 dup 㖭！ 同場加影： 我捉埋阿妹一齊試，佢皮膚可以堪稱為日久失修！摸上手係摸得出嘅凹凸﹑看得到嘅乾涸！佢都用咗 5 日，塊面摸落冇晒啲凹凸，望落塊面真係完全唔同晒！ 結語： 1) 神仙水頭兩日用塊面有刺痛嘅感覺，不過之後用都冇事，相信係我塊面太乾啦！ 2) 所有產品都適合敏感肌使用，冇事！ 3) 產品質地比較適合天氣乾嘅時候用，潮濕天氣我怕會太『立』 4) 如果我有時間早晚都用，效果應該會仲要好﹑仲明顯啲！ 5) SK-II 果然名不虛傳，你好嘢！ 6) 之前啲護膚品再用都冇咩意思，可以直送去堆田區~ 7) 之後會繼續用，為迎接我嘅 4 字頭做好準備！

肌齡逆轉，每個人都想，為什麼不付諸實行呢？時間不會等你，歲月亦不留人。 被這四個字吸引的我，參加了She.com 的She critiques beauty 親身體驗如何肌齡逆轉！ Step 4 R.N.A. 立體緊緻精華霜 它能全面細緻毛孔。使用10天，更能改善肌膚衰老的徵兆，令肌膚回復緊緻、細滑、緊實，更富光澤。 產品的成份: 水溶性大豆蛋白及酵母蛋白，Chlolleragen2 ，乳木果精華。 使用方法: 第一步 取約一顆珍珠大小的R.N.A. Power 第二步 以指尖將精華霜點在前額、面頰及下巴位置 第三步 從中央向外慢慢推開至全臉 用後感: R.N.A. 立體緊緻精華霜中的乳木果成份，一直被公認擁有卓越的滋養、舒緩及保護皮膚功效，讓我十分期待它的效果，先說它的質感，都很容易推開，但相對比較滋潤，十分適合現在秋，冬時分，而且它就像護膚最後的一個步驟鎖住之前產品的功效般。使用7日後，毛孔相對之前幼細，很不錯呢！

秋季已開始，面上因乾燥而出現細紋，但鼻翼位仍是油油的，所以對我來說保濕是很重要! 今次試用SKII主要的保濕精華、再生精華、精華霜及眼霜! 使用前保濕度一般，油份很高～ 洗面後我的護膚程序是先用精華保濕皮膚，接著是再生精華，眼霜，最後是護搽精華霜。基本上這套產品是有齊早晚潔面後的護膚Step，使用後用水份測試機test，有高度的保濕，水油變得平衡，而且摸上手膚質變滑。保濕精華很水潤，及容易吸收，而再生精華用後膚質有點光澤及彈性，精華霜質地很易推開及吸收，有緊緻的感覺，應該對細紋有幫助的！整套用後在早上化妝時變得會貼妝，少了甩妝及出油的情況，可能保濕足夠吧，難怪一直成為皇牌產品! 期間搽眼霜，上一次第一次用時已覺得有滋潤及減淡黑眼圈的效果，對比使用前的保濕度很好，今次的份量也是不少，可以早晚使用一星期以上，持續用後更覺這眼霜的緊緻度很出色，眼紋少少減淡，亦是我的大愛眼霜之一！