Tried a few time, result is good so far

整體普通一般般嘅一款洗面泡，都係洗面產品最容易有嘅問題，洗完之後太乾！夏天用都尚ok，冬天用嘅話就真係有啲乾…清潔度太勁。不過溫和冇乜刺激性，不過不失！

有用開呢個牌子嘅眼唇卸妝液，今次試埋佢普通全塊面用嘅卸妝水。但感覺唔係卸得咁乾淨，要抹多兩三轉先feel到個妝真係卸哂，而且如果掂到對眼嘅話會有啲刺激性！

一般般，最大問題係用佢洗完面之後真係好乾！夏天用都已經亁，冬天用嘅話面會直頭有啲甩皮…不過都明呢個價錢嚟講性價比都算係咁。

呢隻面霜係好保濕，不過反而因為太保濕，我自己用落覺得太痴立立。而且唔知關唔關事搽咗一排之後塊面有生暗瘡，可能焗住左啲皮膚，麻麻地！

顏色好靚，質感都好滑，粉好細，無論用手指或者眼影掃去上，都唔會一撻撻，化完出黎眼妝都會好靚。

見到新出，鋪頭開咗一樽試用推咗上手已經要買。 質地好似好豐厚，但係搽上面好易推開亦唔會油膩，隔一陣就吸收晒，然後皮膚變得緊緻。 最驚喜夜晚用完，朝頭早起身見到皮膚狀態變得好好，完全唔覺得係啱啱起身咁嘅樣，忍唔住要推介買俾朋友。

本身對Shiseido粉底液有高啲嘅期待，但用落真係好一般，完全冇乜特別。只可以話不過不失，不過價錢上面就輸蝕啲！

對我嚟講有啲黐立立，同埋用咗一排覺得冇乜效果，同一個價錢買第二啲牌子會好啲！

呢個面霜質地好rich好滋潤，月完塊面感覺好柔軟同緊緻。用一段時間，肌膚彈性明顯改善，細紋都有所減淡。

眼影一盒多色， 有哂啞色同閃粉， 手指上同用掃都好顯色，而且價錢唔貴，好高cp值。

因買一送一，選擇這產品，但效果不如預期。洗後肌膚較潤澤，無殘留感。