當我見到呢個牌子既眼線就好想買左佢, 因為佢個包裝實左太靚太吸引, 有種好型既感覺而其他牌子係搵唔到呢種感覺

質地比想像中厚，柔滑易推開，搽完唔快被皮膚吸收，不過好滋潤保濕，本身皮膚好易乾同爆拆，用完佢之後，明顯覺得肌膚充滿水份，非常飽滿潤澤。

非常貴，效果比想像中差，質地好厚重，搽完唔快被皮膚吸收，非常笠同繃緊，而且唔太保濕鎖水，只係覺得非常厚重，太焗身。好容易出油脂粒。

有淡淡嘅清香，聞落非常怡人舒緩，佢嘅質地柔滑，用完覺得頭髮好柔順易梳，不過清爽度一般，依然會出頭油，而且唔覺得皮屑有減少。

感覺唔係幾好用，用完都係有濕潤感多有少少黏笠，質地唔易推有少少杰，唔可以完全收晒毛孔，都有部份遮唔到，感覺好唔平均!

用時有刺激感唔係幾舒服，用後都有令皮膚補番水份同冇晒乾同繃緊感覺，同時都做到鎖水功效唔會好快乾番，而氣味上就唔係幾清香。

質地呈乳狀，好柔滑易推開，比較厚身，搽完唔快被皮膚吸收，好笠，搽完的確好保濕，不過唔夠鎖水，隔一陣皮膚又開始乾，而且唔覺得膚色有提亮。

完全唔好用，首先佢好易有甩色化開幾嚴重既問題，畫時筆尖都幾粗硬有D難畫同刮眼，而且畫時唔係好夠顯色，要畫多一筆，價錢又貴。

黏笠程度幾高，質感唔係幾舒服，但用後都有濕潤感同令皮膚有光澤，不過黏笠多過滋潤，又冇覺得改善皮膚彈性效果，不過用時都有少少香味，係效果唔大同質感問題。

質地比較透薄，好易推開，搽完亦非常快被皮膚吸收，不過可能本身係乾性皮膚，覺得佢控油度超強，所以皮膚用完會好乾，比較適合油性皮膚。

用完都係有少少甩色唔持久問題，畫時都算順暢而且顯色度高，不過就冇乜防水防油效果，所以有甩色問題，亦略嫌佢既筆尖較為粗硬。

抗皺效果唔係好明顯，用完只有少少淡化左細紋效果，感覺上唔係好值咁貴既價錢，質地唔黏笠快滲透，用後都有少少光澤滋潤感，不過就做唔到抗紋效果。