用左2星期都見唔到有改善到毛孔問題，只有少少濕潤感，而質地唔黏笠易吸收，不過就完全做唔到佢既功效，感覺上同未用之前唔大分別。

亮白同去班效果都唔太顯著，用後只有令膚色暗啞問題改善左同有少少濕潤感，亦都有少少光澤感，不過就做唔到佢講既兩種功效囉。

質地比較厚同杰，好難推開，因為太厚，而且搽完都唔快被皮膚吸收，保濕度一般，唔鎖水，整體感覺係太厚同太笠，感覺唔太舒服。

質地比較厚，擠出嚟覺得幾嚡身，唔易推開，用佢嚟set頭覺得唔太持久，而且比較笠，如果本身髮質偏油就更易出頭油，夏天唔太適合用。

呢款淡斑精華見佢幾平就買咗呢一試，但係用咗半支都未見到效果，冇乜特別令色斑或者班印問題清除到，只有令膚色白淨咗少少嘅效果，質感方面唔會黏笠但係有少少滋潤感，但係效果令人失望!

用咗兩星期唔係好見到有抗皺感覺，冇乜太大分別，效果唔算顯著只係有少少緊緻咗嘅感覺，同時亦有少少滋潤感不過質地方面都有少少黏笠唔夠清爽!

質地柔滑易推開，用完覺得比較厚同笠，佢嘅保濕度一般，搽完過咗一陣就覺得皮膚開始乾，而且爆拆，去紋效果唔顯著，用咗3星期都唔見效。

質地水潤透薄，非常易推開，亦好快被皮膚吸收，佢嘅去痘功效麻麻，平時出暗瘡用佢都唔覺得可以去到暗瘡，而且有少少刺痛嘅感覺，唔太舒服。

好黏笠既質感，而且又做唔到定型效果，香味係ok，不過唔係十分討好，呢隻唔好用，仲要洗完頭都仲係有少少黏笠，唔會再用呢隻!

走珠筆嘅設計使用方便，但功效唔顯著，平時出暗瘡用佢都唔覺得有功效，冇減淡，用咗2星期，黑頭仍然冇減少，同之前一樣，唔算好用。

質地易推開，好柔軟幼滑，初初搽完會覺得好厚好笠，唔易被皮膚吸收，但之後會覺得好保濕，價錢太貴，效果唔係特別出眾。

質地頗厚，搽完比較笠，唔易推開，好難被皮膚吸收，但佢好保濕，冬天用佢覺得非常滋潤，皮膚好似被注入大量水份，非常飽滿潤澤。