質地好水潤透薄，搽完好輕盈清爽，唔笠，好貼膚，滲透力強，搽完好快被皮膚吸收，而且可以撫平細紋，令皮膚更平滑，更有彈性。

質地呈啫喱妝，控油度超強，用完覺得皮膚好乾，本身係乾性皮膚，覺得非常繃緊，皮膚嘅脫皮情況嚴重咗，而且更有爆拆，唔覺得有保濕功效。

用左2星期都見唔到有改善到毛孔問題，只有少少濕潤感，而質地唔黏笠易吸收，不過就完全做唔到佢既功效，感覺上同未用之前唔大分別。

亮白同去班效果都唔太顯著，用後只有令膚色暗啞問題改善左同有少少濕潤感，亦都有少少光澤感，不過就做唔到佢講既兩種功效囉。

質地比較厚同杰，好難推開，因為太厚，而且搽完都唔快被皮膚吸收，保濕度一般，唔鎖水，整體感覺係太厚同太笠，感覺唔太舒服。

粉質細緻幼滑，非常易推開，好透薄輕盈，搽完覺得好輕透，唔焗身，不過調色功效就麻麻，搽完都唔覺得膚色有提亮，只係覺得搽咗一層薄薄嘅粉。

質地頗柔滑，易推開，搽完好輕盈透薄，唔笠唔厚重，佢嘅顏色就唔太明顯，顯色度唔高，閃亮效果都唔顯著，而且唔夠持久，好快就掉色。

質感好透薄輕盈，搽完好貼膚，唔會覺得笠同繃緊，顯色度就麻麻，覺得搽多幾層先勉強見到色澤，而且閃亮嘅效果亦唔明顯，持久度都偏低。

質地都幾順滑，好易推開，搽完亦好貼膚，非常透薄輕盈，唔焗身，不過真係唔上色，就算搽咗3層都見唔到色澤，持久度亦好低。

顏色頗自然，唔會太誇張，恰到好處，粉質都算細緻順滑，好易推開，不過唔顯色，搽2層都唔太上色，而且唔持久，搽完過咗2個鐘已經開始掉色。

質地比較厚，擠出嚟覺得幾嚡身，唔易推開，用佢嚟set頭覺得唔太持久，而且比較笠，如果本身髮質偏油就更易出頭油，夏天唔太適合用。

呢款淡斑精華見佢幾平就買咗呢一試，但係用咗半支都未見到效果，冇乜特別令色斑或者班印問題清除到，只有令膚色白淨咗少少嘅效果，質感方面唔會黏笠但係有少少滋潤感，但係效果令人失望!