呢個精華水，我用完一支再一次，氣味聞落好舒服，用上面好乾爽，但係有保濕感， 搽完上面拍幾下已經吸哂，然後會見到毛孔明顯收細，同埋皮膚變得透白柔軟。

質地有啲偏啫喱，都幾易推開，直接上面都易吸收好快乾。但有陣唔知係咪酒精咁嘅味！而且重點嘅美白效果我keep住用都唔太明顯。

Innisfree 呢款散粉好出名，周圍好多人都有用。佢價錢嚟講真係好抵用，而且都做到控油嘅功效。可惜嘅位係持久度真係唔夠，好快浮粉、出街要keep住補粉，and 拍上塊面會有啲太白！

一款控油效果好好嘅碎粉，夏天用佢，就算大熱天時個妝都唔會甩得好犀利，不過要好好控制份量，如果唔係就會變得好厚同埋有少少乾。

保濕效果好好，有時個樣太攰，用佢浸落面膜紙做急救，敷10分鐘成個面容精神返。或者夜晚搽上面第二朝皮膚膚質，同埋氣息都會好精神，而且充滿水潤感。

質感好水潤 ， 即日泵出嚟已經可以推到成面， 好保濕亦都有唔錯嘅舒緩敏感功效，而家天氣好乾燥，有時額頭或者下巴起一達達乾燥敏感嘅時候，好快就可以降紅修復到皮膚，吸收完一次我再接多一下精華用上面都唔會覺得好笠

產品用於我皮膚上效果一般，質地唔厚，不過我皮膚吸收唔到，效果都唔明顯，未必會再買。

質地算輕 同易推，用完覺得滑咗，細紋都有淡， 不過可能產品設計問題，覺得好快就用完 ，應該入面仲有好多拎唔到出黎。

感覺質地有點厚重，夏天用有少少吸唔哂，推完塊面都有有d 油，而且價錢都算高，短期內唔會再買。

呢個牌子好多產品我都鐘意，呢個精華都係，用完覺得拉緊咗皮膚咁，用完好滑同飽滿，不過價錢上有點貴，我只會用於重點位置。

喺塊面摸上去唔夠滑嘅時候用，去除死皮好明顯，用完好滑同會變得好有光澤， 不過覺得佢有少少刺激， 太乾或敏感嘅時候用，會有刺痛感。

性價比好高，夏天曬到出斑，天氣開始凍係咁勁太陽開始用，用左大約2星期，淡斑效果逐漸見到， 有微微變淡， 會繼續使用。