底霜質地幾細滑透薄，有效令膚色均勻同做到光澤效果，但一支份量比較少，而且延展性唔夠高，需要用多少少先可以覆蓋整塊面，而且唔係好做到遮瑕效果，價錢上亦比較貴。

質地非常厚重，唔易推開，遮瑕度低，搽完都唔覺得有遮瑕效果。顏色好白，非常唔自然，感覺非常笠同厚重，而且持久度低，唔好用。

控油效果唔係咁理想，冇聲稱八小時控油咁持久，純粹最初用嘅時候做到少少控油，之後都係有出面油問題，質感方面唔算清爽但係唔黏笠，遮瑕方面都ok，有效遮毛孔但係深色瘡印斑印問題就完全唔work，效果比較差!

見好多人話好用, 結果浪費700元買, COVER唔夠大, 我皮膚白但都覺得只係光, 到LUNCH已覺會有油, 感覺上仲差過我用韓國CUSHION, 唔會再買. 佢個用量仲比其他少, 又無REFILL, 雷品!

底霜來講佢算係唔錯 不過我嫌佢保濕度唔夠高 妝都未化完佢已經開始出現眼紋 自己本身都冇乜眼紋 但係因為成日笑嘅關係 底霜會加深眼紋嘅凹痕

呢隻麻麻地，粉質厚之餘維持效果亦比較難推開，而且我覺得佢應該無咩控油效果好快溶妝，買果陣貪睇落幾方便咁但原來一D都唔好用。

質地太厚，好笠，難推開。防曬度數低，控油亦差。貪方便買哩支嘢，結果就只係用得一次就丟咗，真係一啲都唔好用

易出面油,未用完一支又轉新裝,唔好用,以後都唔會再買呢個品牌既防晒同化妝品,一D都唔岩用。不值得回購，始終都係平野冇 好野。

究竟是這牌子和我相沖還是真的這麼差?控油能力可謂是0!用第一次隔兩個鐘去廁所照鏡發現自己油頭粉面!顆粒又粗!可是妝容可以last到晚上!究竟是甚麼鬼?真心冇下次!

有用過Innisfree啲skin care，覺得唔錯，所以就試下佢啲化妝品，點知用呢隻cushion就出事啦！成塊面好油好笠，可以煎蛋咁，個妝一陣就溶晒，真係嚇死人，搞到我即刻買缷妝水缷咗佢！

我的兩頰偏乾所以偏好保濕粉底，這個我就不推給大家了，它的亮白功能是有做到的，但不是保濕的那種光澤感，有點小失望

顏色幾襯我嘅膚色，容易推開，唔用掃都得，質地唔會好焗，可惜夏天用好容易會出油同溶妝，容量唔多，好快用完，唔太抵。