底霜質地幾細滑透薄，有效令膚色均勻同做到光澤效果，但一支份量比較少，而且延展性唔夠高，需要用多少少先可以覆蓋整塊面，而且唔係好做到遮瑕效果，價錢上亦比較貴。

質地非常厚重，唔易推開，遮瑕度低，搽完都唔覺得有遮瑕效果。顏色好白，非常唔自然，感覺非常笠同厚重，而且持久度低，唔好用。

磨砂粒子比較粗，唔太舒服，搽太大力會好易整傷皮膚，佢嘅質地唔潤澤，亦唔易推開，感覺好粗糙，潔淨力亦唔明顯，唔太好用。

磨砂嘅粒子好粗，覺得唔太舒服，佢嘅潔淨力一般，去黑頭唔太顯著，而且用完覺得皮膚好乾，會脫皮，但勝在有消炎功效，平時出暗瘡用佢都可以。

粉質好細緻，好柔滑易推開，唔厚重，非常透薄，但搽完唔覺得顯色，就算搽多幾層都只係勉強見到效果，亦唔持久，好快就掉色，唔太好用。

呢隻用完只係有膠住面既感覺，完全唔清爽，而且一d都冇去走到面上角質，入面既粒子太幼細唔夠力去清走，用完亦冇白淨效果，只係有少少濕潤同不適感。

佢嘅磨砂粒子比較粗，用嘅時候唔敢太大力，怕會傷害皮膚，如果用作身體部分就比較好，因為佢可以去除死皮，令皮膚更光滑。

唔明磨砂膏點解可以防皺，用完一D防皺效果都冇，好PURE磨砂膏，只能清走到面上細粒同角質效果，冇特別撫平皺紋或者抗皺作用。

用過第一感覺係非常乾，完全冇保濕效果，不過磨砂可以成功清走面上粒粒角質問題，同時有令皮膚變返細滑效果，而且用後非常清爽去油度非常高， 不過最失敗係用完之後好乾令到皮膚有繃緊問題而且有少少甩皮狀況。

呢支眉筆筆頭唔夠粗身去畫晒整條眉，好唔方便畫，而且唔防水防油，用左幾個鐘就冇左D色，效果非常唔理想，色澤方面普通，冇特別好顯色，因為我要畫幾次先可以畫晒整條眉。

磨砂粒有d粗糙大粒，用後冇咩大感覺，冇特別滑到，皮膚有少少乾唔夠濕潤，只係可以同時面部同身體都可以用幾方便。

呢儲防曬度得十同兩個加，好似比其他產品少咗啲咁，所以試用完就算，因為真係有黑到，冇乜效果咁? 不過佢臉同身都用得係幾方便嘅，而且唔笠，可以大熱天時都保持乾爽