It does nothing bad but I am not sure what it does. I don't feel it is hydrating at all. A more value adding brand does much better job.

Frankly, it does nothing bad but I don't know what it does. Not very hydrating.

我用緊嘅係Sample，用咗2次之後好慶幸自己冇買到貨裝。首先佢陣香料味係勁重，上佢官網Check的而且確搵到Fragrance (Parfum)呢個成份，仲要係排第7。最慘係陣味好Old School完全唔好聞，有少少似係上咗年紀嘅女人會噴上身嗰陣花香味，一啲都唔清新，一啲都唔天然，一拍上面嗰陣味撲鼻而來真係唔好受。之後就係佢勁刺眼，所以要小心唔好整到落隻眼度，一入眼你就要合埋眼大概2~3分鐘先會冇事，我用過咁多隻Toner都冇一隻會刺眼到咁，平時瞌埋眼拍晒全面都冇事，係唯獨呢一隻Toner一入眼就會痛到飛起。最後就係我覺得佢嘅保濕能力冇其他人講到咁好，10分入面我會畀5.5分，衰啲講句，唔好講High-end Brands啦，連Drugstore Brands好多Toner都比佢更加保濕，成份仲要更加乾淨，呢個價錢我真係冇可能會考慮買佢。PS. 完全唔明點解呢枝Toner會Target畀敏感肌用，香料又重又刺眼。

俾過多次機會，唔見有咩分別

價錢上過分貴咗，實際效果唔係真係咁多功效，用後純粹做到油脂水分分泌平衡返，唔會好乾同繃緊亦唔會過份黏笠，用時有玫瑰香味不過都有少少刺激感。

用時都有少少刺激感，而且用後感覺同繃緊同有少少乾，唔係幾舒服，完全冇濕潤效果，只可以講佢有控油成份，唔會點出面油，不過就唔係清爽係繃緊感。

比低分佢都係因為定價太高，用後又唔覺得有咩咁特別，只係感覺唔會乾同繃緊亦唔會過份黏笠，做到油水分泌平衡番既效果，除此之外又冇其他護膚功效，唔係好值!!

用時即時有少少收緊毛孔嘅效果，長期用有效令毛孔細緻返嘅感覺，而膚色上都有改善嘅效果，不過用完都有少少乾唔夠濕潤，質地完全唔黏笠，好快滲入皮膚。

感覺唔係幾好用，有少少刺激感用後比較濕潤有黏笠感，唔夠清爽唔係好做到平衡油水分泌嘅效果，而且香味欠奉，質地都有少少杰但易推，不過係咁唔夠清爽。

用左兩星期都見唔到美白同抗皺效果，唔知係佢效果慢定完全冇效果，最後都冇用晒放埋一邊，價錢唔算貴，而質地都有少少黏，感覺唔係幾好用。

質地水潤透薄，好柔滑易推開，搽完唔使2分鐘已經完全被皮膚吸收，非常貼膚，唔笠唔繃緊，好舒服，保濕度就一般，唔覺得好鎖水。

磨砂粒子比較粗，唔太舒服，搽太大力會好易整傷皮膚，佢嘅質地唔潤澤，亦唔易推開，感覺好粗糙，潔淨力亦唔明顯，唔太好用。