我未用過咁水潤既唇筆, 搽左呢隻之後唔洗另外搽潤唇膏, 因為搽完之後無種好乾好唔舒服既感覺, 呢種牌子真心唔錯

非常滋潤，本身嘴唇好易脫皮，而且好乾，之前搽嘅唇膏都唔夠潤，好快變乾，但呢隻唔會，搽完可以維持好耐，保濕力超強，好滿意個效果。

持久度好強，甚至卸妝都有少少難卸清，但係色澤幾唔錯夠閃亮，質地易推唔黏，一盒4色都抵用，又係可以用好耐既product，而且全日都冇需要補色。

我就嫌佢嘅顯色度唔夠，唔係一推就即顯色， 但整體其他效果都唔錯 佢嘅質地唔會好難推，而用後亦都有亮澤感，防水防油方面都有少少效果，唔會好快甩色!

一盒四種顏色，很好配搭，質感細緻，而且某些顏色是有珠光感的，用作眼部的高光位置，可以增加眼妝的層次感，眼妝就更豐富。

我覺得係一隻賣貴左既唇彩，用後雖然做到好靚既亮澤感，而且帶有足夠既滋潤感，可以唔夠持久，只要一飲水食野，冇左大部份既色同滋潤感，要成日補上。

睇落就似好多個顏色，好似好抵買，其實冇一隻顏色啱亞洲人，全部都太深，比較啱拉丁美洲人。我自己就唔係太鍾意，用來做眼影又太粉紅，唔好用。

之前鍾意韓妹PONY就覺得眼影一定好用。買過之後又覺得不外如是，閃粉太閃，眼影啲色唔靚。同佢用果啲差天共地。再買都係嘥錢。

色澤幾靚，不過唔夠亮澤感，滋潤度十分高而且唔黏笠，有令唇紋淡化左，不過唔鍾意佢既香味，而佢既持久度唔錯，用左一次，基本上全日都夠滋潤同色澤OK，冇乜點甩色。

個包裝好靚，但唔襟用，好快就整花，一花就唔靚，唔通要用個盒入住佢？色就一般，靚唔過YSL，又貴，買一次就算。Matte得來麻麻，幾乾。

顏色比較低調，唔會好誇張，粉感好幼滑，唔會難推，感覺好透薄，好自然，持久度都唔錯，就算夏天都唔易掉妝，感覺幾好！

最好係做到潤唇之餘又夠亮澤感，呢隻色澤唔錯，持久度亦幾好，係有一兩次補下色，其餘時間唔駛點補，但唔鍾意佢幾黏既質感。