洗頭水好香，亦易搓出好多泡， 不過唔適合我， 用完覺得個頭好笠， 夜晚洗完第二朝瞓醒已經好似出左街一日咁要再洗過。

一開波就講咗佢兩大缺點先，第一點係佢陣味太強烈，唔小心食咗落口會好噁心；第二點係佢始終都係太Sticky，只要一隻Lip Product係黐口，我都會認定佢唔係一個好嘅Lip Product。 咁佢英文官網聲稱呢隻Lip Gloss係會有Stain Effect，如果就呢個效果嚟畀份，我會畀4.5 out of 10，因為我搽咗一陣再抹走佢都只係得返少少色。 而官網聲稱嘅Long lasting hydration我都唔係太有實感，啱啱上完你會覺得個嘴好似好潤，但係嗰種感覺只係你舖咗層油上個嘴度，實際上佢唔會畀到咩保濕效果你，所以好快都係會乾返。 唯一一個抵讚位就係佢點上都唔會Patchy，上得好均勻，同埋Shade range都算幾大，但係我始終覺得同價位仲有更多更好嘅選擇。

咁個名都講咗係Satin Hand Cream，所以我都預咗佢會係清爽少少嘅Satin Finish，點知用完覺得完全唔滋潤，隻手摸落唔柔軟，保濕力欠奉，仲要而家先係秋天，冬天我完全Foresee到呢隻Hand Cream搽完隻手唔夠2~3個鐘就會乾返。咁講返陣味，陣味同佢隻Luscious Shower Milk係Exactly一樣，係一種偏Spicy嘅玫瑰味，Basenote有木味加少少白胡椒嘅感覺，都算係幾好聞。不過講返佢個Packaging又係出晒事，因為佢唔係典型開蓋唧出嚟嗰隻，佢係有個托盤，要扭開佢再唧出嚟用，次次用完都會搞到個蓋勁污糟，所以平時都要打橫擺，唔可以打直擺，因為驚啲Hand Cream會Hi到周圍都係。以結論嚟講用完呢枝我唔會再回購，成枝Hand Cream淨係得香味可取，滋潤度不足用落又唔方便。

我都叫做用過唔同牌子嘅dry shampoo，唯獨是呢個牌子會用到我個頭好痕，痕到我寧願真係走去洗頭都唔想用佢。同埋佢粉狀比較粗，所以會好易喺頭髮上面留低一撻撻白色嘢，要摷好耐先摷得走佢。佢吸油力真係勁嘅，不過用完頭髮真係會乾到一個點，摸落又鞋又硬，做唔到自然蓬鬆嗰個效果，所以我嗰支淨係用過幾次就擺咗喺度冇用。呢2分係畀陣味，陣味幾香幾啱女仔用。

覺得完全唔好用，質感有少少黏稠問題，推開後有少少滋潤感但顯色度比較低，要塗多兩層先較為顯色，同時亦冇乜光澤效果，持久度方面亦比較差，好容易又甩色問題。

色澤都算顯色但感覺唔係幾亮麗，冇乜光澤感，而質感都有少少過黏笠問題，用後都有甩色唔持久情況，呢隻質素較差，唔建議買黎試。

有淡淡嘅清香，聞落非常怡人舒緩，佢嘅質地柔滑，用完覺得頭髮好柔順易梳，不過清爽度一般，依然會出頭油，而且唔覺得皮屑有減少。

質地豐盈，非常厚，但好滋潤保濕，搽完覺得嘴唇好潤澤，但唔顯色，搽多幾層先上色，而且持久度唔高，搽完過咗一陣已經開始掉色。

呢隻都係用過一次就冇再回購，都係油笠出事，用後唔清爽過度滋潤感，而氣味亦普通，不過就可以令髮絲易梳冇打結，價錢都好平。

用過一次唔係咁好用，用完雖然都幾清爽冇晒油感，不過有打結難梳問題，而香味又唔係好清，雖然價錢都幾平，但最後都冇回購。

用後滋潤感好重，有少少過笠同出頭油問題，草本香味唔錯，好清香，而用完都易梳冇打結，不過就油左d，第二日出頭油，可能適合d乾性髮質人用。

佢有好多種顏色選擇，而且非常自然，質地順滑，好易推開，顯色度一般，搽多2至3層先上色，而且唔算持久，飲完水已經掉色。