用完比較乾完全唔滋潤唔補水，仲要價錢幾貴，一定唔會推薦呢隻，潔淨度都OK，好有效清走晒污垢亦有卸妝功效，不過用後都幾繃緊同乾，而且香味唔OK。

質地好豐盈柔滑，好易推開，用完覺得非常保濕，皮膚充滿水份，更有彈性，佢好適合乾性皮膚，用咗1星期，已經明顯見到脫皮嘅情況大大減少。

質地呈啫喱狀，用完覺得好冰涼舒服，佢嘅控油力唔錯，但用完覺得皮膚好乾，亦有脫皮，而且潔膚力唔夠，唔可以徹底去黑頭。

質地呈啫喱狀，搽完覺得皮膚好冰涼清爽，佢嘅潔淨力一般，當普通清潔皮膚尚可，但去黑頭嘅功效就不大，而且用完皮膚比較乾，唔夠保濕。

泡沫好幼細，非常柔滑，潔淨力尚可，出暗瘡用佢覺得效果都唔錯，佢可以舒緩不適，唔會刺激皮膚，但覺得用完皮膚非常乾，亦有脫皮。

雖然都幾顯色而且貼服，但就唔持久，好快有甩色問題，而且質感唔算細滑，感覺上唔係幾舒服，仲要價錢上唔係平，所以呢隻唔會再揀。

顏色合理，顏色都頗自然，唔會好假，不過顯色度就一般，搽多幾層先上色，又唔保濕，搽完覺得嘴唇依然乾，亦唔持久，好快就掉色。

色澤方面唔夠顯色，而且滋潤感唔足夠，用後有少少乾而顯色度亦比較低，不過用時幾細滑，質地唔錯冇黏笠問題，而持久度方面亦比較差，唔可以keep到全日色澤滋潤感。

粉質好幼細，易推開，好柔滑，顯色度高，搽一層已經好上色，但個人唔太中意佢嘅閃爍效果，覺得太誇張，而且持久度一般。

色澤唔夠顯色，需要推多幾次先做到較深色嘅效果，而且冇乜閃亮感，同時質地有少少杰比較難推，不過持久度方面都算ok，冇乜點甩色。

眼影色澤唔夠顯色，需要畫多幾次先至做到色澤效果，而質地方面都唔錯幾滑同貼服，另外持久度亦 唔太好，做唔到全日持妝效果。

用後除咗令皮膚滑左就感覺上冇乜效果，而且氣味完全唔清香有少少怪，用後又做唔到保濕嘅效果令皮膚有少少繃緊同乾嘅問題，呢隻整體嚟講唔好用。