質地好透薄，易推開，感覺好清爽順滑，遮瑕度無想像中咁好，而且唔算好持久，覺得搽完皮膚好乾，唔太適合乾性皮膚用。

好貴，質地都頗幼滑易推，搽完好透薄，而且遮瑕度都唔錯，但缺點係非常唔保濕，搽完都覺得皮膚好乾，又脫皮，如果可以更保濕就完美。

質地好水，覺得搽完好透薄，好快已經完全吸收，但唔保濕，皮膚同樣有脫皮，而且好控油，個人認為比較適合油性皮膚用。

價太貴，佢嘅質地比較厚，搽完一層覺得唔夠遮掩度，再搽多1層已經覺好厚重，太焗身，而且好乾，本身皮膚已經乾，再搽佢就更加乾，又唔持久。

質地唔透薄，好厚身，搽完好嚡，唔好易，遮瑕度唔高，搽多幾層搽暗瘡唔只遮唔到，仲愈搽愈厚，非常唔好用，價錢又貴。

佢嘅磨砂粒子比較粗，用嘅時候唔敢太大力，怕會傷害皮膚，如果用作身體部分就比較好，因為佢可以去除死皮，令皮膚更光滑。

防曬度數中等，佢質地比較厚，搽完好笠，感覺繃緊，唔快吸收，但好保濕，好適合乾性皮膚嘅人用，但建議出街前半小時至1小時用，因為吸收得比較慢。

質地比較厚又唔夠清爽，作為防曬好唔舒服，因為尤其戶外活動已經會出汗，變左好黏住皮膚既感覺，佢既防曬度夠高，完全冇問題，只係質感影響晒。

唔明磨砂膏點解可以防皺，用完一D防皺效果都冇，好PURE磨砂膏，只能清走到面上細粒同角質效果，冇特別撫平皺紋或者抗皺作用。

防曬度數頗高，質地比較厚，搽完有種笠黏黏嘅感覺，唔算透薄，但好保濕，如果乾性皮膚用就好適合。佢冇味冇顏色，性質溫和，唔會刺激皮膚。

感覺粉質唔夠細滑而且唔夠貼，而且冇乜遮瑕效果，另外冇令膚色改善既效果，用完都只係有令皮膚細緻左感覺，而且又唔夠濕潤，有少少乾感。

用過第一感覺係非常乾，完全冇保濕效果，不過磨砂可以成功清走面上粒粒角質問題，同時有令皮膚變返細滑效果，而且用後非常清爽去油度非常高， 不過最失敗係用完之後好乾令到皮膚有繃緊問題而且有少少甩皮狀況。