磨砂粒子比較粗，唔太舒服，搽太大力會好易整傷皮膚，佢嘅質地唔潤澤，亦唔易推開，感覺好粗糙，潔淨力亦唔明顯，唔太好用。

磨砂嘅粒子好粗，覺得唔太舒服，佢嘅潔淨力一般，去黑頭唔太顯著，而且用完覺得皮膚好乾，會脫皮，但勝在有消炎功效，平時出暗瘡用佢都可以。

呢隻用完只係有膠住面既感覺，完全唔清爽，而且一d都冇去走到面上角質，入面既粒子太幼細唔夠力去清走，用完亦冇白淨效果，只係有少少濕潤同不適感。

呢隻純粹做完按摩之後有少少去水腫嘅效果，而且令皮膚有緊緻嘅感覺，亦有令皮膚滑左嘅功效，不過就唔係有好強嘅纖體感覺。

佢嘅磨砂粒子比較粗，用嘅時候唔敢太大力，怕會傷害皮膚，如果用作身體部分就比較好，因為佢可以去除死皮，令皮膚更光滑。

唔明磨砂膏點解可以防皺，用完一D防皺效果都冇，好PURE磨砂膏，只能清走到面上細粒同角質效果，冇特別撫平皺紋或者抗皺作用。

用過第一感覺係非常乾，完全冇保濕效果，不過磨砂可以成功清走面上粒粒角質問題，同時有令皮膚變返細滑效果，而且用後非常清爽去油度非常高， 不過最失敗係用完之後好乾令到皮膚有繃緊問題而且有少少甩皮狀況。

保濕度還可以，質地呈油狀，搽完唔會好快吸收，起碼要等10分鐘，感覺好笠，唔太中意個感覺，夏天用唔太適合，因為皮膚出油再加上咁笠嘅質感好唔舒服。

見呢一支瘦身凝膠咁平，就姑且買嚟試一試，結果真係冇乜效果，用完之後完全冇瘦身嘅效用，只係感覺皮膚嘅質素改善咗滑漏咗嘅感覺。

磨砂粒有d粗糙大粒，用後冇咩大感覺，冇特別滑到，皮膚有少少乾唔夠濕潤，只係可以同時面部同身體都可以用幾方便。

呢隻係主要針對橙皮脂肪，用左只有令皮膚滑左同冇咁乾，而且佢既氣味唔太好聞，又唔係平，用完2星期都仲係冇咩改善，唔知要用幾耐先見效!!

質感係比較油笠，但都算易推，用時要加以按摩到有少少熱力，但用左3星期，唔覺得有咩顯著效果，感覺用2B果隻反而會有FIRM番D既感覺，呢隻冇乜，只有濕潤左，冇咩效果。