以磨砂粒黎講價錢上都幾貴，不過用後功效唔錯，可以清到角質污垢同粒粒粉刺同少少黑頭，潔膚力度大過普通磨砂，而用後令皮膚平滑同有少少光澤，不過就唔係好夠滋潤感有少少乾。

磨砂粒子好幼細，非常溫和，唔怕刺激皮膚，佢嘅潔淨力好強，用完明顯覺得黑頭少咗，皮膚更乾淨，而且去角質嘅功效非常顯著，令皮膚更幼滑細緻。

質地好柔滑易推開，搽完唔算快被皮膚吸收，但感覺皮膚好似被注入大量水份。非常鎖水，用完明顯見到膚色有提亮，更有光澤，更均勻自然，減低暗啞。

控油效果非常強可以做到全日唔出油既效果，不過就有少少乾同繃緊，保濕效果唔夠，而磨砂粒都唔算幼細但唔會刮傷皮膚，用時都有D香味，用後做到清爽而平滑感覺。

潔淨力強，去黑頭都去得好徹底乾淨，用完覺得皮膚非常清爽舒服，唔笠唔繃緊，質地柔滑，好易推開，不過用完就覺得比較乾同會脫皮。

見平時都有用開neutrogena就試一試呢一隻男性用嘅洗面乳，可以有效做到清除角質去油份嘅效果，買咗支畀我男人用完之後都有效清除到部分黑頭，不過就有少少乾痛同繃緊問題!

磨砂用後比較乾同滋潤感唔夠，但係有效清走角質粒粒問題，皮膚有返平滑效果，有少少清涼感不過用後就比較乾同繃緊，不過勝在價錢幾平，間唔中用下都唔錯!

雖然磨砂粒子質感唔夠細滑，唔夠力完全清走到皮膚上嘅角質同粒粒，用後唔夠乾淨，但皮膚就有返清爽感冇晒油份，而且唔會過份乾或者繃緊都有少少滋潤效果。

作為面部去角質產品，價錢上真係好貴，佢既好處係唔需要配合按摩就可以做到清走角質達至滑溜感覺，用時都有少許香味，不過用後有少少乾，唔夠滋潤，咁貴既價錢又唔係多效果，唔會再試!

用後冇特別效果，只係令皮膚油水分泌平衡番冇咁易出面油，有少少清爽感又唔乾既效果，用後見唔到有收細毛孔或者緊緻感覺，呢隻唔一定要試。

係有令膚色白番少少既感覺，不過唔係好見到有淡化左色班既效果，同時都有效令皮膚緊緻番既感覺，同時都有少少香味，敷完亦唔會有乾同繃緊問題，都算係幾唔錯。

用左一星期到，就見到皮膚膚色好似排左毒咁，冇咁暗啞而且觸感好柔滑，感覺上真係清走左角質既感覺，同時用後即時唔會好乾，都有滋潤感。