用完未用之前冇咩分別，只係用果陣有少少收緊皮膚既感覺，皺紋冇咩改善，而且佢質地比較油笠唔清爽，又唔易滲透，推左好耐先滲晒入皮膚，效果唔理想。

感覺唔夠清爽，雖然唔算非常黏笠，但用完滲透後都係有少少黏住皮膚，氣味方面都有少少玫瑰香，用完第二日好明顯做到補足水效果，皮膚好滑而有彈性，不過亮白功效冇乜。

唔太鐘意佢嘅設計太過細緻得滯，比較難畫，但係色澤方面都幾顯色，而且持色度方面唔錯，有少少防水防油效果，唔會好易甩色，如果畫眼線係熟手嘅話，都可以試一試呢一隻。

筆頭唔會特別軟，幾易控制，顯色度高，容易上色，而且好持久，防水度高，但卸妝嘅時候比較難卸，可能因為持久度太高。

質地較厚，搽完好笠，唔易吸收，保濕力都唔錯，晚上用會比較適合，因為好笠，佢嘅除皺功效一般，用咗差不多一個月，覺得細紋冇減少。

雖然話就話清爽，但就真係唔太夠，我係EXPECT佢好快滲入晒唔會笠住皮膚，結果都係黏笠，用完只有滋潤感趕走乾感，冇咩去紋效果，價錢偏貴。

呢款我嫌佢比較笠手感覺，用完做野好唔方便，係好高滋潤感，而美白方面有少少白左，唔太明顯，主要做到滋潤感重d，香味亦普通，唔臭亦唔係好香，可接受囉。

效果好馬馬，有甩色同冇防水防油效果，我出汗同出油已經走晒樣，而且又唔易上同畫，可能我唔係用開眼線啫喱，所以比較難操控，畫完又唔係即時乾晒，好麻煩。

完全唔防水防油，搞到又甩色又熊貓眼，持久度非常差，只係畫時都算易畫同筆頭唔硬，亦好易顯色，不過持久度唔得係最大問題。

我覺得唔太適合我用，畫時好難控制，質地都幾柔滑，雖然佢係持久度好高，但真係連卸妝都好難卸得乾淨，要抹左好多次先可以卸清，對我黎講，呢隻唔太好用。

Agnes b嘅產品一向都有留意下，而呢一款嘅持久纖幼眼線筆，設計雖然話就係方便去畫眼線，但係我試用咗之後真係唔方便，好難控制眼線，畫嘅時候真係要好小心，但佢嘅眼線持久真係非常好，用咗全日都冇甩色問題。

失望，失望，很失望，还说防水不脱妆，画的時候到是挺好画的，但几個小時後就容妆了，看個电影流了几滴眼淚，就变成大熊貓了。