呢隻泡泡染髮劑喺呢幾年入面我應該用過3~4次左右，次次都買唔同色，由銀灰啡到焦糖啡都用過晒，我想講...... 無論你揀咩色，最後染出嚟睇落都係同一隻色嚟，所以揀咩色都係嘥氣，如果你只係想個頭有啲色睇落冇咁悶，對顏色冇乜要求，我覺得都可以試吓用嘅。事實上你唔漂嘅話，啲色係冇可能上得咁實，但係如果我要漂嘅話，我都唔會揀呢隻泡泡染髮劑，因為呢隻出名甩色甩得快。同埋呢隻染髮劑係堅傷頭髮，次次染完就算做足焗油同hair mask，頭髮都係好難梳得開，髮尾又會變到九曲十三彎咁好易斷，我知染髮劑一定會傷頭髮，問題係我用第二隻染髮劑都唔會傷成咁。當初我都係唔信邪先走去用咁多次，嗰陣以為揀第二隻色可能個formula會有少少唔同，點知試咁多次個結果都係唔滿意，而家已經完全轉咗用第二隻染髮劑，唔會再用佢。

隻色又好自然，，係身邊朋友同我最近迷上既色調，好易上手，輕掃於臉龐，就做到好自然既效果，睇落瘦左，輕易修飾輪廓，要打造日曬妝效都輕鬆搞得掂，好適合依家既季節，會介紹比朋友用。

係好平既價錢，但唔太好用，用完頭髮好乾，而且唔太上到色，可能我頭髮難上色，唔係好顯色，而且用完頭髮好打結，完全零滋潤感，要自己再做滋潤加保濕令頭髮易梳番D。

呢隻泡泡染髮劑都好易用，上色都易上，而且又唔會好似其他牌子咁有咁大陣氦氣味，所以成個染髮過程都唔刺激嘅，不過就好快甩色囉，唔持久

貪得意買嚟玩過下，幾方便一擠出來就用得，當護髮素咁搽就OK，有D護髮功用，幾順滑下，但我就完全無染髮效果，呢類型產品我諗只係適合本身漂到好淺色嘅朋友，唔想漂頭又想有染髮效果人士，都係乖乖用返正常PRODUCT吧啦。

本身頭髮有染過但係唔太淺色，用咗兩包紫色但出嚟效果睇唔到有上色，可能紫色要有漂過先上到，不過用完頭髮真係會好柔順，好似做咗焗油咁

勁差咯唔該, 染完個下係好靚冇錯但係冇一個星期已經甩色, 甩到由紫紅變金.而且D頭髮仲好粗糙,開晒差咁!!!我既髮型師一聽到我用泡泡已經鬧我, 話有太多重金屬, 有害架!!!