見呢支潤唇膏之前好多人推介就買嚟試試，但用落覺得好一般…..唇膏外型係靚，香味都好香好好聞，但完全唔夠保濕，搽咗嘴唇都仲係甩皮。

我未試過一枝唇膏可以咁差，搽上咀一撻撻，現唇紋，同埋係極乾，本身嘴唇唔係太乾情況用完都會好乾。

唇膏質地滑順，顏色持久，不過我咀唇太乾，需要先用左潤唇膏打底，唔係用完會更乾

用過好多Shu uemura產品都幾好，但呢枝唇膏唔係咁好，有色差同難上色，用完似搽咗有色潤唇膏而唔係有妝感果種唇膏。

咁我手上呢枝就係#BE390嚟，其實隻Shade幾日常幾易襯。不過我真係嫌個海綿頭唔太衛生，首先用多幾次個頭就會勁污糟，有時仲會Hi埋落個蓋度，用得耐又驚海綿頭入面會儲埋好多細菌，想洗又唔知點洗好。咁講返佢個Texture，佢算係比較厚重嗰隻嚟，即係搽完你一定會Feel到有嘢喺個嘴上面嗰隻，但係相對地佢都有返咁上下嘅滋潤度，至少個嘴真係Keep到柔軟同埋真係做到個光澤出嚟。不過其中1個Drawbacks就係佢對乾唇唔係太Friendly，佢雖然係滋潤，但係同時佢又會Cling to dry patches，會搞到個嘴有幾忽特別深色，所以乾唇人士用佢之前真係要做足Lip Scrub去一去死皮先得；而另1個Drawback就係無論你搽完幾耐佢都會留唇膏印，無論你飲嘢食嘢定係用紙巾印佢，都一定會留唇膏印，留吓留吓慢慢就冇晒色了。Hence我覺得佢唔係1枝適合日常用嘅唇膏，因為你要個嘴唇嘅Condition非常好，出到嚟嘅妝效先會靚，而且平時食嘢飲嘢又要好小心，所以而家我都擺咗喺度冇用了。

心型設計簡直是其唯一的優點，顏色選擇不多，持久力又不足，很短時間就要再搽，返工期間忙得不可開交，怎可能要經常搽唇膏呢，所以未如理想。

質地豐盈柔滑，非常易推開，顯色度一般，搽強幾層先見到色澤，而且唔持久，好快就掉色。加上顏色太鮮艷，唔自然，比較誇張。

原先諗住係曼秀倫敦出應該好似之前果隻有色潤唇膏咁好用，見佢今次有出幾隻色咪買支試下，但個感覺係勁失望，搽落色就ok既，但真係好乾，完全無潤唇膏既功效，用過一次就無再用。

顏色合理，顏色都頗自然，唔會好假，不過顯色度就一般，搽多幾層先上色，又唔保濕，搽完覺得嘴唇依然乾，亦唔持久，好快就掉色。

色澤方面唔夠顯色，而且滋潤感唔足夠，用後有少少乾而顯色度亦比較低，不過用時幾細滑，質地唔錯冇黏笠問題，而持久度方面亦比較差，唔可以keep到全日色澤滋潤感。

呢隻唇膏我個人覺得唔係咁好用，首先佢嘅色澤雖然係幾顯色，不過用完之後好快甩色問題而且唔夠亮澤感，而且用後冇乜滋潤感覺有少少乾， 整體嚟講唔建議用呢隻。

質感好乾，色澤普通唔係好顯色，搽多一層先做到個效果，滋潤感欠奉，只有膠住唇既感覺，呢隻用左一次已經唔想再用，擺埋左一邊。