一開波就講咗佢兩大缺點先，第一點係佢陣味太強烈，唔小心食咗落口會好噁心；第二點係佢始終都係太Sticky，只要一隻Lip Product係黐口，我都會認定佢唔係一個好嘅Lip Product。 咁佢英文官網聲稱呢隻Lip Gloss係會有Stain Effect，如果就呢個效果嚟畀份，我會畀4.5 out of 10，因為我搽咗一陣再抹走佢都只係得返少少色。 而官網聲稱嘅Long lasting hydration我都唔係太有實感，啱啱上完你會覺得個嘴好似好潤，但係嗰種感覺只係你舖咗層油上個嘴度，實際上佢唔會畀到咩保濕效果你，所以好快都係會乾返。 唯一一個抵讚位就係佢點上都唔會Patchy，上得好均勻，同埋Shade range都算幾大，但係我始終覺得同價位仲有更多更好嘅選擇。

咁我手上嗰枝係#07，望落係Cool Undertone偏紫嘅Shade嚟。以Lip Tint嚟講呢隻都唔算係太Pigmented，其他牌子多數點幾點再Blend開就好夠色，呢隻要掃晒成枝Brush先會夠色（我本身已經係唇色淺嘅人，素顏面青口唇白嗰隻），咁樣嘅好處係好易就掌握到你Ideal嘅Intensity，壞處係好快就會用完1枝。Application好順滑，完全唔顯唇紋，著色亦都好平均，唔會一忽深一忽淺，而閃粉效果都唔係好顯眼，勁近睇先會見到少少。咁佢係一種偏透薄嘅Gel-like Texture嚟，大概要幾秒先會乾，所以好易Adjust同埋好易Blend開，唔會話乾得太快你Blend唔切。對我嚟講呢隻Water Lip Stain唔乾亦都唔保濕，冬天用嘅話我一定會敷定唇膜打底。不過我就唔覺得佢有其他人講咁Long Lasting，因為我喺自己Wrist位做過Swatch，等10秒之後用紙巾抹走佢，都唔覺得有留到啲咩色（見圖），我手上其他Lip Tints都做過呢個Test，大多數都Pass到。

噴完即時見到皮膚有亮滑功效，但就做唔到鎖水效果，好快變番乾同繃緊，但用多幾次有效令膚色改善咗冇咁暗啞同時有效控制油水分泌嘅感覺，至於淡紋方面就冇乜效果。

色澤都幾顯色，用後有做到唔錯嘅滋潤效果，呢一隻都算係幾好用，不過唯一唔好處係佢嘅香味比較濃俗，香甜氣味有少少假，而持久度方面都唔係太足夠，有少少甩色問題。

氣味相當清新，好像處於田野中，很悠閒舒暢，當工作期間覺得倦怠，就會噴一兩下，精神會為之一振，又或者補妝後都會噴一下，感覺會較滋潤，令妝容較持久，但其滋潤度則較其他品牌為差。

色澤唔算好顯色，主要做到閃亮效果，反而光澤感比較高，而顏色上要推多一兩次先較為上色，持久度方面一般，都有少少甩色問題，而且略欠滋潤感，有少少乾同繃緊。

顯色度都算高，而且有比較重嘅閃亮感，推一下已經做到唔錯嘅色澤效果，不過顏色上唔算多選擇而滋潤感比較一般，有少少乾同繃緊，用後持久度亦係比較普通，唔可以keep到全日大部分時間。

可以用作多種用途非常方便，不過個人認為用作眼影會比較合適，顏色上唔算多選擇，而用作眼影比較貼切，質地都幾柔滑易推，亦有少少滋潤感，用後做到唔錯嘅光澤效果。

噴後感覺好清涼而且有即時濕潤感，滲透後完全唔黏笠，皮膚有水潤感覺而且都有少少香味，而係化妝之後用完有定妝效果，不過鎖水效果唔算好好，都有少少乾返嘅問題。

唇彩色澤唔夠顯色而且質地有少少杰比較難推，需要塗多兩層先較為顯色，同時冇乜光澤效果，但係都做到唔錯滋潤感同持久度唔差，唔需要經常補色。

唇彩色澤唔算顯色度高，需要補多一兩層先較顯色，但滋潤感都好明顯，用後即時覺得好潤唇冇曬繃緊問題，同時都做到飽滿光澤效果，質地唔會過度黏稠。

唇彩顏色唔多選擇，價錢上唔算貴，用後效果比較普通，感覺唔夠顯色要補多一層先上到色澤，用後都有少少滋潤效果，但持久度一般好快同好容易有甩色問題。