顏色好靚，質感都好滑，粉好細，無論用手指或者眼影掃去上，都唔會一撻撻，化完出黎眼妝都會好靚。

顏色可以用單色或者混合用都得，算易上色，不過飛粉都幾嚴重，控制得唔好容易成個下眼袋都係眼影。

眼影一盒多色， 有哂啞色同閃粉， 手指上同用掃都好顯色，而且價錢唔貴，好高cp值。

閃粉過重，希望能改進成分，提升使用體驗。

The BA at all counters are very nice. However, this product really fails. It keeps falling off.

Not a lot different from those you can find on open shelves.

一開波就講咗佢兩大缺點先，第一點係佢陣味太強烈，唔小心食咗落口會好噁心；第二點係佢始終都係太Sticky，只要一隻Lip Product係黐口，我都會認定佢唔係一個好嘅Lip Product。 咁佢英文官網聲稱呢隻Lip Gloss係會有Stain Effect，如果就呢個效果嚟畀份，我會畀4.5 out of 10，因為我搽咗一陣再抹走佢都只係得返少少色。 而官網聲稱嘅Long lasting hydration我都唔係太有實感，啱啱上完你會覺得個嘴好似好潤，但係嗰種感覺只係你舖咗層油上個嘴度，實際上佢唔會畀到咩保濕效果你，所以好快都係會乾返。 唯一一個抵讚位就係佢點上都唔會Patchy，上得好均勻，同埋Shade range都算幾大，但係我始終覺得同價位仲有更多更好嘅選擇。

咁我手上嗰枝係#07，望落係Cool Undertone偏紫嘅Shade嚟。以Lip Tint嚟講呢隻都唔算係太Pigmented，其他牌子多數點幾點再Blend開就好夠色，呢隻要掃晒成枝Brush先會夠色（我本身已經係唇色淺嘅人，素顏面青口唇白嗰隻），咁樣嘅好處係好易就掌握到你Ideal嘅Intensity，壞處係好快就會用完1枝。Application好順滑，完全唔顯唇紋，著色亦都好平均，唔會一忽深一忽淺，而閃粉效果都唔係好顯眼，勁近睇先會見到少少。咁佢係一種偏透薄嘅Gel-like Texture嚟，大概要幾秒先會乾，所以好易Adjust同埋好易Blend開，唔會話乾得太快你Blend唔切。對我嚟講呢隻Water Lip Stain唔乾亦都唔保濕，冬天用嘅話我一定會敷定唇膜打底。不過我就唔覺得佢有其他人講咁Long Lasting，因為我喺自己Wrist位做過Swatch，等10秒之後用紙巾抹走佢，都唔覺得有留到啲咩色（見圖），我手上其他Lip Tints都做過呢個Test，大多數都Pass到。

色澤唔夠顯色，要推多兩下先較為上色，滋潤度ok用後感覺有潤澤唇部同光澤效果，同時有效平滑唇部軟化死皮嘅感覺，不過持久度方面一般，都有少少甩色問題。

一盒有曬唇膏眼影胭脂幾種用途非常方便，呢隻聖誕限量版都可以買嚟用，價錢唔貴都幾抵用，而且色澤都幾亮麗，幾種效果都做到唔錯嘅妝容，買嚟送畀人都幾唔錯。

色澤都幾顯色，用後有做到唔錯嘅滋潤效果，呢一隻都算係幾好用，不過唯一唔好處係佢嘅香味比較濃俗，香甜氣味有少少假，而持久度方面都唔係太足夠，有少少甩色問題。

顏色上唔多選擇，買咗隻粉紅色試用，效果都ok，做到顯色自然效果，而且設計好容易推，質感柔滑非常貼服，但持久度都係不足，唔夠防油，一出油有少少甩色。