洗頭水好香，亦易搓出好多泡， 不過唔適合我， 用完覺得個頭好笠， 夜晚洗完第二朝瞓醒已經好似出左街一日咁要再洗過。

咁個名都講咗係Satin Hand Cream，所以我都預咗佢會係清爽少少嘅Satin Finish，點知用完覺得完全唔滋潤，隻手摸落唔柔軟，保濕力欠奉，仲要而家先係秋天，冬天我完全Foresee到呢隻Hand Cream搽完隻手唔夠2~3個鐘就會乾返。咁講返陣味，陣味同佢隻Luscious Shower Milk係Exactly一樣，係一種偏Spicy嘅玫瑰味，Basenote有木味加少少白胡椒嘅感覺，都算係幾好聞。不過講返佢個Packaging又係出晒事，因為佢唔係典型開蓋唧出嚟嗰隻，佢係有個托盤，要扭開佢再唧出嚟用，次次用完都會搞到個蓋勁污糟，所以平時都要打橫擺，唔可以打直擺，因為驚啲Hand Cream會Hi到周圍都係。以結論嚟講用完呢枝我唔會再回購，成枝Hand Cream淨係得香味可取，滋潤度不足用落又唔方便。

我都叫做用過唔同牌子嘅dry shampoo，唯獨是呢個牌子會用到我個頭好痕，痕到我寧願真係走去洗頭都唔想用佢。同埋佢粉狀比較粗，所以會好易喺頭髮上面留低一撻撻白色嘢，要摷好耐先摷得走佢。佢吸油力真係勁嘅，不過用完頭髮真係會乾到一個點，摸落又鞋又硬，做唔到自然蓬鬆嗰個效果，所以我嗰支淨係用過幾次就擺咗喺度冇用。呢2分係畀陣味，陣味幾香幾啱女仔用。

I have never use any concealer better than this one because it is very moist and comfortable for me, and concealer from other brands are quiet dry for me.

質地非常透薄，搽完覺得好輕盈貼膚。唔笠唔厚重，毫無負擔，佢嘅遮瑕度都頗高，可以遮到粉刺之餘又唔厚重，令妝容更貼服輕透。

質地非常厚重，唔易推開，遮瑕度低，搽完都唔覺得有遮瑕效果。顏色好白，非常唔自然，感覺非常笠同厚重，而且持久度低，唔好用。

質地比想像中厚，唔算易推開，遮瑕度唔高，搽完唔覺得可以遮到瑕疵，而且唔輕盈透薄，唔貼膚，搽完覺好厚重焗身，非常笠。

有淡淡嘅清香，聞落非常怡人舒緩，佢嘅質地柔滑，用完覺得頭髮好柔順易梳，不過清爽度一般，依然會出頭油，而且唔覺得皮屑有減少。

效果比想像中差，佢嘅質地好柔滑易推開，不過好厚，搽多幾層已經好重粉感，而且好笠好焗身，遮瑕度亦唔高，亦唔夠保濕，唔太好用。

呢隻都係用過一次就冇再回購，都係油笠出事，用後唔清爽過度滋潤感，而氣味亦普通，不過就可以令髮絲易梳冇打結，價錢都好平。

用過一次唔係咁好用，用完雖然都幾清爽冇晒油感，不過有打結難梳問題，而香味又唔係好清，雖然價錢都幾平，但最後都冇回購。

用後滋潤感好重，有少少過笠同出頭油問題，草本香味唔錯，好清香，而用完都易梳冇打結，不過就油左d，第二日出頭油，可能適合d乾性髮質人用。