香氣吸引，潔淨能力一般，價錢實惠。有玫瑰清香，肌膚嫩滑，死皮去除效果佳。CP值高，玫瑰味持久，不過磨砂粒較粗。用後皮膚滑嫩有玫瑰味。物流快，性價比高，大力推薦。

我覺得呢樽啫喱比較啱Normal To Dry Skin用，因為佢啲果酸真係好溫和，同埋有加入杏仁油同尿囊素呢啲保濕成份所以都幾滋潤吓，不過等佢俾皮膚索晒之後就會變到好乾爽，所以腋下同埋後頸呢啲長期up住嘅地方都用到。 搽完係會即刻有種平滑感，皮膚摸落都會柔軟啲，但係佢真係太溫和，所以如果你係想用佢嚟舒緩毛孔角化症就冇乜可能，普通用嚟搽啲色素沉澱嘅地方係OK的，例如係手爭同腳爭咁，不過唔好預你會好快見到個效果。 同埋我都唔建議油肌甚至係暗瘡肌用呢隻啫喱做去角質，首先因為佢對你嚟講可能會太笠太滋潤，同埋以佢嘅溫和程度嚟講我覺得對你嘅角質唔會有咩效果，所以唔好諗住佢會可以幫你舒緩到Body Acne。 而陣味我覺得唔算香亦都唔算臭，就係果酸嘅味道，聞落都幾乾淨。佢個Texture係濃稠嘅半透明乳白色啫喱嚟，都幾Rich吓所以每次淨係用少少就夠推好多地方，好鐘意佢送埋個匙羹仔畀你用，咁樣用落衛生好多。 如果你唔介意效果慢，又想去角質又怕乾或者傷皮膚嘅話呢樽啫喱就好啱你用，同埋我自己都有用過落生濕疹嘅地方，搽完都冇話會Irritate到我痕，所以我敢講呢樽啫喱連敏感肌都啱用。

PAUL & JOE 剛推出嘅橄欖柔肌身體磨砂霜，入面蘊含法國出產嘅海鹽＋百年老樹橄欖油＋仲有地中海常用嘅葡萄籽油，可以輕易幫皮膚去走角質，同時又滋潤皮膚，一舉幾得！！ 岩我呢D貪靚但又懶既人.....本身攪塊面都煩，個身就沖個涼就可以完美完成就最好了～HEEEE

用後感覺幾舒服有效磨走身體上嘅皮膚粒粒，清除到毛孔嘅污垢而且按摩完都有幾舒壓嘅效果同清涼感覺，用後亦感覺幾清爽，唔會乾同繃緊。

磨砂是需要時間的，因為要慢慢推開及按摩，這隻磨砂有士多啤梨味，能增加磨砂時的樂趣及舒緩的感覺，用後皮膚滑滑的，又柔軟滋潤，由於它的質地很幼細，所以若有時間可以天天用的。

雖然是磨砂霜，但它的質地很幼細，很容易塗滿全身，輕輕地按摩了一會兒再清洗乾淨，去除了皮膚的角質層，皮膚滑滑的，而且感覺無比的滋潤，肌膚很柔軟呢。

呢隻磨砂膏可以迅間去除老化既皮膚，最重要係相當滋潤同保濕，仲有美白既效果，用完之後肌膚變得會更有光澤同非常柔滑。

配方溫和既身體磨砂膏，用咗之後覺得溫和唔刺激，仲好有效咁去除老化既皮膚，令到肌膚變得更加細滑同有光澤，改善毛孔粗大既情況。

對呢款極致身體磨砂膏幾有信心，除咗好有效咁去除皮膚既角質層之外，仲可以舒緩到皮膚各種不適，保濕同滋潤效果亦都好理想。

馬鞭草磨砂浴鹽除咗好滋潤之外，仲可以有效既去除死皮，令皮膚回復光澤，除此之外，更加會促進細胞更新，修護效果非常好。

白茶清韻身體磨砂，有效咁去除死皮之，仲會令肌膚有水潤既感覺，用咗覺得好舒服，而且最重要係美白功能亦都相當唔錯。

含可分解天然磨砂分既磨砂膏，有高效保濕作用，可以防止皮膚乾燥，同時去除粗糙既皮膚，感覺好自然清爽，而皮膚變得有光澤。