craven

因為佢個foundation好用,就用ma佢呢支base.唧出黎好水潤,同foundation顏色一樣,可以修飾膚色.好滑,不過佢比foundation 更薄,我只係用按既方法按上面,好自然,我試過當佢foundation 甘用,加左層碎粉,都可以.不過眼既位置最好加番少少foundation.甘樣塊面既膚色會平均d.更自然.

除左RMK外,Kanebo係我暫時最like既Foundation.因為佢薄,好易推,快吸收,又可以有適當既遮瑕效果.(如果皮膚比較粗既姊妹,就未必比到好既效果,因為比較薄身)不過佢既保濕度好高,雖然佢有防曬,不過我搽上眼都唔係甘干.整體好自然.如果sis 們喜歡裸妝效果,佢係可以比呢種效果你.

首先自己皮膚比較干同年齡大,所以對保濕同緊緻,彈性有一定要求.之前都用過Ultima II 幾條line.最like就係佢微晶膠原蛋白(粉紅色)個條line.而今次佢出黑色呢條line.就好有期望.先講質地,同佢一般既精華都係透明,好易推,好似水感多d.要按摩多幾次先吸收晒.由上午到下午四時左右.鼻位出左少少油.暫時保濕都可以,不過同藍色個條line比,佢比較保濕度好D.對於彈性同收緊,暫時未見到.所以要比多少少時間.不過好老實.佢除左好貴D.仲未見到有乜野特別,如果真係要選.我都係覺得粉紅色個條LINE比較潤同有光澤感.

如果你既皮膚好似我甘干同黃,冇乜光澤,你試下用佢呢支再生水,因為我用過佢幾條line.最好都係呢條line.1.好保水,2.鎖水,3.你搽上去之後用手拍同按佢,好快比光澤感,你上妝好貼,唔化妝就好水潤.4.價錢仲平過佢其他line既產品.值得推介.

之前佢既面霜對於我呢塊包包面,已經收緊左好多.不過今次一次過用ma佢同line既精華,真係好好.因為我會用牛骨同手一齊按,想加強佢既效果同快吸收,佢冇令我失望,用左幾日,浮腫面既兩旁,亦收緊左,冇之前甘腫.同時佢都好保濕.而我咀角既細紋亦淡左.真係不錯.

因為用佢支Black Rose Cream Mask.所以做完佢個面膜,直接搽番呢支面霜.好易推同好滑,第二朝起身,塊面冇乜油出同白左.皮膚亦柔細左.好似飲飽水感.不過價錢真係貴.

用paper mask多數都不用洗,直接按摩就可以,今次Sisley既Black Rose Cream Mask佢係唧出黎搽上面,不過佢就比較方便,等左10分鐘,用紙巾抹走去,之後搽番面霜就ok.第二朝起身.冇面油出同時白左.塊面冇甘黃.都算不錯產品.

自己之前都用幾類似既眼部精華去按摩對眼,減少疲倦.可能我眼太深,對我黎講唔係甘適合.所以太倦我會唧出黎搽上眼.不過直接搽同就甘搽既效果會有d分別,用佢上接上會平均d.亦順滑感.同衛生d.不過唧出黎用手指按摩,個效果會好d.同firm d.同上妝會貼d.不過好老實,去紋既效果未見,不過firm既效果明顯d.

我買佢個時同用佢個時係夏天,因為我成set買左,就成set一齊用.係夏天都算一般.唔算係太鎖水.因為未放工就開始出油,不過當你轉季或冬天,甘佢真係冇可能比到滋潤同保濕.反而你真係好想用佢的話,你轉佢珍雪個條line會好d.

我之前都講,自己唔係甘鍾意撕落黎既面膜,不過個fd 係韓國買左佢,澈讚,又買黎試下.不過撕落黎既感覺冇甘痛,比較易撕.撕完之後塊面亦冇乜泛紅,亦冇甘干.如果同同類型面膜比較.不過如果你當佢係deep cleaning mask,甘佢真係冇甘干.但用完係冇乜驚喜.

用過佢既洗面皂,又心郁郁試佢呢支洗面泡沫.我將佢直接係濕面上洗,又試過打起泡先洗,兩者都唔錯表現,最重要洗完唔干.仲好干淨.佢比洗面皂仲方便,不過我個人覺得洗面皂既感覺細滑d.

如果你好怕人参味,甘你真係唔好買.因為佢成個packing滲出好大陣中藥味.不過我自細都聞慣左,所以冇所謂.之前用過某牌子既洗面皂.因為太干同好快軟.所以好怕用洗面皂,不過我又買左佢個套set裝,就買ma佢既洗面皂.返家即試.1.泡沫唔多,2.不用太多水去過.3.洗完好滑,唔干.4. 好干淨.5.夠保濕.因為我洗完面之後,唔搽任何護膚品,就係要試佢保濕效果,我等左3個鐘.好好彩,又冇乜緊或干既感覺.所以呢個月早晚都係用佢.因為轉天氣.更加要用佢.