BoLeePinkOn

係幾抵買，但用後覺得用嚟做面部磨砂麻麻，質感太粗好易用力過度，仲搞到幾乾下，為咗唔想浪費我改用佢來磨BODY，效果反而不錯，尤其手肘同滕頭位，幫助去死皮，膚質無咁暗沉~~

個人覺得呢隻Lunasol Full Glamour Gloss個質地稍為黏咗少少~顏色幾好睇，搽一層已經開始顯色，唇彩本身有些微珠光效果，能夠打造出甜美自然嘅妝容，持久就一般吧大概KEEP到兩至三個小時。

Lunasol Seamless Concealing Compact含有保濕成分，質地貼薄容易推開，有深淺兩色可根據個人需要而調較，效果自然，值得一推。

NARS 呢款胭脂真係幾正，搽上臉好順滑，好貼服，雖然我平時唔算特別偏愛bling bling嘅產品，但呢隻閃得來係自然果種，所以我亦多機會選用佢，因為效果唔浮誇，同埋D色本身就靚。

MAC這枝眼線筆質地軟硬度適中，顯色容易，即使畫內眼線亦非常流暢，觸感柔軟，持久度不錯，色澤烏黑自然，很適合東方女性。

呢隻遮瑕幾好用啊，搽上去好自然好貼，同其他化妝品大致都match 到，唔會特別見到一撻遮瑕膏咁礙眼，仲有護膚成份，用响眼亦唔怕起乾紋。

YSL 五色眼影盒，淨係個盒已經靚到要立刻擁有，拎上手時都會幻想自己突然高貴咗，眼影持久度及質地不錯，但我覺啲色唔啱我，留返來欣賞吧。

雖然價格偏貴，但值回票價，質地貼薄，容易上色，掃少少就O K，計落其實真正係一分錢一分貨。仲有顔色靚，獨立用或者混色都好睇，效果亦自然持久。

無疑係幾靚，又唔使咩技巧，就咁掃均全面已經閃令令仲加強咗輪廓立體感，但我唔太欣賞個質地，粉質唔細緻，易甩，搞到效果last得唔耐。

講真如果要落濃妝，呢隻一定唔夠力，但平時來講係幾好，性質溫和之餘又洗得乾淨，加上價錢便宜，用嚟卸除防曬同淡妝就好掂兼夾化算！

好多人話好得，不過我用唔知點解個效果就麻麻地，駕馭唔到呢隻鼻貼....十次中得兩三次成功，仲要無咩痴到出來，已經放棄了。

Laneige 溫和水嫰潔面乳，我覺得呢隻唔錯，泡沫豐富，洗面果陣有少少香味好舒服，用後幾乾淨，皮膚柔軟，無繃繃緊，雖然係滋潤型洗面，但唔會話潤到笠，夏天我都照常用到。