BoLeePinkOn

染完髮用佢真係唔錯下，做到鎖色效果，比起用普通洗髮水，佢係做到令髮色KEEP得更為持久，味道正常香味，幾好聞，易接受，其他就同一般洗髮水大同小異。

一款不俗嘅妝前打底，質地輕盈，容易吸收，貼薄，自然，有D霧面嘅效果，SPF 30防曬高效隔離紫外線，仲添加咗蘆薈、抗氧化維他命E及維他命A 等等，化妝之餘，同時呵護肌膚，保濕度就一般正常啦但整體嚟講用得過。

薄荷成份，敷在臉上超涼快。添加了蜂蜜 ，洗完覺得清潔效果很好但一點也不乾澀 。，採用了紅豆顆粒幫助去除角質，粒子不算幼細但勝在用料天然，觸感上可以按受，用時只要注意力度便OK了。

平平地玩下無妨。啫喱狀質地眼膜，敷上去涼涼地幾舒服，有RELAX感，不過除咗叫做有D保濕外，唔覺得好用，無咩功效，又係一款可有可無之產品。

Kanebo 旗下的媚點系列，一向口碑不俗，這款BB cream調色效果很自然，用後膚色即時亮澤不少，散發出健康的光彩，質地也輕盈好推，唯一不足之處，是它沒有很出色遮瑕效果，臉上瑕疵較多的朋友未必是心水了。

唔易推開，上手初頭幾膩下，等多一陣就會好D。價錢唔貴，而且用小量就夠用，計返OK抵用。但我就覺得佢吸收速度慢咗少少，平時用不太適合，我會選擇瞓覺時使用，有時搽厚DD，再笠對手套敷過夜，第二朝就會見到潤滑不少!

掌握得好其實幾自然，有種好似由肌膚裡面散發出來果種健康血色感，用少少就夠。顯色度高，但無奈難控制，一個唔小心望落會幾Over 下，要試多幾次搵適合自己嘅用量。

搽完效果尚可，有D matter 。控油度OK ，用佢打完底個妝好似Keep 到耐咗，但講到佢修飾效果好細緻我又唔太覺，總括來講一用無妨但無咩令我對呢隻產品正到非它不可。

利用瞓覺八小時進行保濕，效果不俗。帶有薰衣草精油的香氣令人心情輕鬆，一覺醒來有容光煥發之感，要注意是質地較濃但申延性還不錯的，用時不要一次取太多份量，只要少許慢慢推均全臉就夠了。

蜂蜜滋潤沐浴露，含豐富蜂蜜成份，用完覺得好正，不含起泡劑，溫和清潔皮膚唔刺激，成份天然，花蜜香氣令人身心放鬆，但就覺得無起泡劑雖然係對皮膚比較好，唔習慣嘅人可能就會形住唔夠，用多咗份量啦。

大大樽夠抵用，典型多芬產品果隻LOTION香味，質地濃厚，每次搽少少就夠，幾襟下，沖洗後幾順滑，但就覺得對於真係受損好勁嘅地方無咩太明顯改善，或者要睇定D先定論吧。

價錢大眾化，我幾鍾意佢果隻青瓜香味，令人覺得好清新好有夏日感，沖完涼皮膚乾淨舒服，內含滋潤成份用完唔會乾爭爭，沖洗容易，無話過極水都好似有層嘢滑潺潺咁~~~