amyc888

Foot cream 來講屬於滋潤度偏高，最好搽完著襪，否則踩落地係太滑。Sabon d野我一向捧場，稍貴但佢成分夠天然，香味亦易接受，一罐用好耐。

開架品牌來講算唔錯，始終日本野唔會太差，面膜就算同價都會好過台灣野及韓國野。剪裁好立體，夠貼面，用了幾片明顯覺得白滑左，會繼續買。

呢個品牌少人識，其實佢好天然，但同其他天然品牌一樣，少賣廣告，只得識貨之人識欣賞。Terre d'Oc 最好用就係油，其他skincare反而一般。

平價eye makeup remover當中，呢款係性價比好高。有兩層，基本上最防水的mascara或eyeliner一定落到，好實色果d唇膏亦都一抹即掂，好用。

呢款係我的濕疹救星，你可以咩都唔用Avene，但呢支係佢皇牌你一定要試。任何紅、癢、腫，幾乎一搽即消。Avene係出哂名抗敏品牌，濕疹人好岩用。

Chanel眼線質素唔錯，但係好貴，同埋呢款設計好難揸得定，要加倍小心至畫得靚，都係平時水筆形果款好d。Chanel 彩妝最大好處就係BA送sample多。

個深紅色好靚好靚，本身化妝唔叻，有朋友教我將紅色用來做下眼線。由於Chanel呢個4色眼影是乾濕兩用（唔係好多人知），整濕眼線掃就可以將佢變眼線。

個樽好靚，之前d唇膏都係黑樽，得呢支特別版是紅色設計，望住都開心。不過佢好乾，真係太乾，除非之後加lip gloss（又失去matte的意義）。

有d人喜歡Chanel No.5又覺得佢太濃豔，呢款Leau就係仙氣版本，淡少少但保留 No.5 的性感感覺，似個少女多過女人。紅色樽是特別版，賣哂就無。

其他眉妝用品好貴，眉粉一盒200，眉筆又200，眉掃又百幾，打工仔好大花費。呢款勝在三合一，一支搞掂，帶出街又慳位，用完粉或筆可以買refill。

Shiseido d眼妝用品有一樣好，用後不會眼睛敏感，對皮膚不會刺激。眼影筆可以用來做輪廓眼影，通常用完就加少少眼影粉定妝，就唔怕化開。

紫色正常是好難handle，呢個薰衣草紫算易用，另一格大地色好靚，兩個加埋可以一個做輪廓一個做highlight，化妝新手都會用得掂。買得過。