BoLeePinkOn

呢隻滋養護甲油真係好用，佢含有多種天然植物油成份，有效滋養指甲及周圍嘅皮膚，而且仲有抗菌功能，用咗一段時間，我啲指甲健康咗好多，倒刺亦生少咗。

呢隻明眸精華遮瑕液效果良好，我非常滿意。佢嘅質感透薄，自動調節膚色，效果十分自然。再加上含有防皺精華，搽上眼部肌膚好順滑貼服，唔會引致乾紋。

我幾鍾意呢隻曼秀雷敦藥用暗瘡啫喱，佢透明啫喱狀，搽上面感覺清涼溫和 ，唔會覺得太乾或者刺激皮膚，加上價錢便宜，學生哥都負擔得起。

呢隻面膜我試過都唔錯，保濕效果幾好同幾快，而且可以每天使用，鎖水效果亦可以維持得幾耐，但同類型又好用嘅產品有好多，我覺得佢又唔算好突出，係ok好用

DHC 呢一隻深層淨白礦物泥幾好用，價錢唔算貴，我認為合理。佢嘅深層潔淨效果 非常良好，但係因為加入咗透明質酸，所以唔會令到皮膚太乾，而且仲好保濕。

呢隻暫時用咗兩片，美白效果仲未知住， 不過膚色比之前明亮咗，我鍾意呢隻面膜嘅質地，敷上面覺得好柔軟舒適，精華液份量啱啱好，肌膚即時feel到水潤保濕。

呢隻真係好適合我偏油性嘅肌膚，佢嘅啫喱質地搽上去皮膚非常清涼舒服，保濕效果良好，唔會覺得黐立立，塊面容易出油嘅情況亦改善咗好多。

試咗呢隻超保濕速效潔面卸妝膏的確係唔錯，落妝好快好乾淨，滋潤得嚟又有淡淡玫瑰嘅香味，成個感覺好舒服。唯一唔好係要用嗰陣要搵嘢了出嚟，好鬼麻煩。

我用過覺一般，都有啲用嘅 ，如果唔介意佢嘅效果比較慢，睇埋個價錢其實係幾抵買。佢有少少檸檬同橙嘅香味，都幾好聞 ，質地搽上去初頭會有少少油，但推開吸收咗之後就冇問題。

有時皮膚狀態唔好但有需要化妝，又趕唔切做啲急救功夫嘅時候，我會喺化妝之後 噴呢隻煥麗柔膚噴霧，佢可以即時解決肌膚乾燥唔上妝嘅問題。

呢幾年工作關係經常要站立，搞到靜脈曲張情況日益嚴重。試過好多牌子嘅產品效果都唔明顯或者好慢，最近試下呢隻，佢嘅即時效果唔錯，用完啲筋變得冇咁明顯，仲有舒緩作用，至於長遠效果就要慢慢觀察下先。

好唔好就是乎你要求嘅係啲乜嘢， 因為佢 真係搽完好快見唔到黑眼圈同眼袋，其實係好適合須要化妝上鏡嘅場合，但係過後會打回原形，只係指標唔治本，對真正去黑眼圈或者眼袋係冇乜幫助嘅。