BoLeePinkOn

呢隻卸妝油唔錯，又平，我認為買得過，值得一試呀~可以乾手用又得，濕手用又得，超方便!御妝能力亦頗強，輕輕鬆就能清洗掉臉上彩妝，質感我覺得還可以，其實唔算去到勁清爽，但至少沖洗容易，唔會過極水都仲係覺得油淋淋先吖。

又平又好用，面膜紙質感柔軟，剪裁貼面，不含色素或香料等，敷面時感覺非常溫和，精華液份量恰到好處，內含膠原蛋白，蜂蜜，玻尿酸，胺基酸及甘油成份，令肌膚回復緊緻飽滿有彈性。

呢隻我用過，印像中冇乜特別。性質幾溫和，洗頭時感覺係舒服嘅，綠茶味清清哋好香，同埋價錢實惠，整體嚟講亦唔差，都幾抵買嘅。

質感較濃厚，我會留番係冬天用嚟做按摩 ，效果非常之好，除咗滋潤肌膚，有效減淡細紋，仲可以促進血液循環，改善天氣寒冷影響嘅暗啞，令肌膚恢復彈性緊緻並透出亮白自然嘅光采。

淡淡花香味，非常清新舒服 ，容易被接受，加上持久度高，很適合日間場合使用 ，香水包裝外形簡潔大方， 令人感受到一股淑女般的優雅氣質。

我覺得呢隻眼線筆質地唔錯，好柔順易畫 ，非常容易上色，首先已經減低咗對眼部肌膚磨擦造成嘅刺激。顏色選擇幾多，色彩飽和度高。 但係防水防油效果冇想像中咁好，爭咗啲。

外型整到好似支蠟筆咁，揸响手容易操控唔驚畫過界。色彩繽紛選擇眾多，而且質地水嫩滋潤，顯色度高兼效果持久，加上價格非常親民，值得試下。

呢隻全效逆齡修護面霜，比我預期中好用，因為初頭見佢話適合乾性肌膚，先入為主覺得會比較厚身或者油膩，但原來出乎意料好易吸收同清爽。去除細紋同保濕效果亦好得，只係價錢稍為貴咗啲。

Lancome幻彩五色雙效眼影好好用,值得推介。佢可以乾濕兩用，營造出唔同嘅效果 ，顏色清新持久。就算好似我咁化妝技巧唔高，只要跟足步驟就能夠輕鬆化出立體自然嘅眼妝。

平時好少用呢隻，佢嘅質感對我嚟講唔夠清爽，但去旅行尤其係去啲乾燥寒冷地方就會帶定支，因為佢無防腐劑，溫和滋潤兼可以舒緩過敏，對於要適應無論時差定溫差嘅肌膚來講，會比較穩陣有保障。

質地清爽唔笠，而且防曬度夠高，適合戶外活動時使用，就算玩到成身汗都唔會焗到出油阻塞毛孔，又可以做埋妝前底霜，透薄水潤仲幾控油下添，真係一舉兩得。

呢隻日霜搽上肌膚好順滑容易推開，吸收力強，用完即時feel到水潤柔軟，好有彈性，鎖水效果良好而且持久。我覺得佢嘅質地唔算話係好清爽，但係幾透薄唔油膩唔侷促。