BoLeePinkOn

送俾細佬做生日禮物佢幾滿意，有keep住用，佢話呢隻保濕之餘清爽控油，感覺幾舒服～隻味清清地易接受，佢仲話女朋友讚佢皮膚好咗喎～～

呢隻Foreo薄荷綠清透控油面膜好啱我用，覺得佢個控油效果勁正。佢含有活性炭吸走啲油脂同污垢，敷完feel得到塊面啲毛孔係暢通咗，好舒服～

無論顏色以及包裝外型都好靚同充滿少女感，色澤搽出嚟靚得幾自然，有光澤感但唔誇張，令雙唇看上去頗為飽滿水潤，但效果keep得一般唔持久。

價格平兼有驚喜，值得推薦，面膜紙OK貼面，質地幾舒服唔笠，而且敷完係有白淨咗同膚質變得幾水潤下，唔知係咪心理作用毛孔都細緻咗，但淡斑就無謂太苛求。

好鍾意呢隻香櫞果清爽香皂，泡沬幼細性質溫和，沖完涼覺得全身非常乾淨舒爽，特別响做完運動出咗一身汗後，而且隻香味好清新同特別，令人心曠神怡～

呢一隻深層滋潤洗髮露我鍾意佢隻味，洗完頭幾香～容易起泡同泡沫OK豐富，但唔太建議好似我呢類油性髮質夏天選用，個頭好快笠返，乾性髮質或者改响秋冬用就無問題。

Bihada Ichizoku 黃金精華面膜，含有珍貴黃金成份真係令人感覺自己變成女皇咁呀，面膜紙效果幾好，試過响好疲倦狀態下敷完，暗沉情況有即時改善兼白淨咗。

純棉黑面膜紙幾貼面，敷上面幾舒服，用完感覺保濕力幾好同有少少白淨咗，至於有無抗衰老真心唔清楚，我諗要成日keep住用先知。

香氛氣味好清新優雅，令人感到心情放鬆。雖然唔算keep太耐，但佢size細細支，得閒拎出嚟噴兩下亦好方便，另外我會將香氛噴响衣物上，留有淡淡芳香。

我覺得唔差啊，雖然去痘能力唔係極快，但市面上好多暗瘡膏都係搞到乾到甩皮，呢隻勝在去痘同時唔會刺激，比較呵護，講真問題唔嚴重的話，用呢隻都夠了。

有時去行山旅遊都會帶定防蚊產品，之前試過噴普通蚊怕水出現皮膚敏感，所以改咗用呢啲天然成份產品，呢隻有啲檸檬草味，無蚊怕水咁臭

大大支幾抵用，易起泡但唔算好棉密，一般。洗面感覺舒服，性質溫和，過水後肌膚有水潤感但唔會潤到似過極水都唔乾淨果隻feel，整體表現我覺得合格。