BoLeePinkOn

買錯之選，唔可以怪產品本身，只係無睇清楚啱唔啱自己，呢隻完全唔推介香港夏天尤其好似我啲偏油性肌膚使用，太滋潤，不過佢成份天然，極乾嘅朋友或者可以考慮。

得閒會浸下浴，尤其係牛奶浴，relax又滋潤，我會選用呢隻Burt's Bees濃縮奶酷浸浴粉，佢成份天然溫和，將佢倒入水中很容易攪勻，氣味芳香，浸完皮膚超滑呀。

有無美白不得而知，但質地好溫和，泡沬細緻，嚟M果幾日會用佢，感覺乾淨清爽好多，產品pH值貼近女性特別部位，清潔同時加強保護，個人鍾意藍色呢款香味。

呢隻夏威夷果仁有機沐浴乳我覺得一般般，唔稱得上好用，買得偏貴咗，潔淨效果OK，隻味我麻麻，唔抗拒，重點係諗住佢賣點係有機果油會幾滋潤肌膚但結果呢方面有啲失望了。

就咁睇效果我覺得不過不失，緊緻其實無明顯功效，叫做有啲咁啦，但乳液本身質感唔錯，吸收力良好，搽後肌膚即時感覺潤滑保濕，如果要求不高再睇埋價格呢隻可以考慮下啊。

D&G 呢一隻限量版胭脂就咁睇外觀已經覺得好吸引，打開裡面胭脂由各種深淺交錯紅色漸變組合而成嘅玟瑰花圖案，美觀之餘亦相當有用，可以根據返當日需要或者心情掃上唔同位置，打造屬於自己所要嘅效果。

Innisfree極緻美白無瑕洗面乳含有高嶺土及白陶土成份有效吸走皮膚污垢油脂，洗面時覺得好清爽舒服，洗完面乾淨得來keep住肌膚柔軟，又唔會話太乾，唔錯。

呢隻用咗有無用？如果期望光頭變濃密當然有難度，但修護效果確實不錯，用完髮質健康咗，兼且真係甩少咗，搽上去頭皮涼涼地，隻味唔識形容但唔難聞。

Innisfree濟州島火山岩泥毛孔緊緻精華露價格親民之餘效果亦唔錯，連續使用後無再咁易出油，黑頭污垢清咗好多，令毛孔睇起嚟細緻咗不少呀。

瑕疵唔嚴重，但又想膚色睇落更靚的話，用呢隻都唔錯，佢嘅潤色效果好自然，仲同時集合滋潤，防曬以及修護嘅功能於一身，搽上面質感順滑，控油清爽。

外型好靚，細細支方便携帶。搽上皮膚覺得質地唔錯，順滑貼服，唔侷促，缺點係得兩隻色無咩選擇，不過佢係bbcream而且比較透薄，大部分膚色嘅女仔用都唔會突兀嘅。

呢隻護手霜除咗滋潤雙手肌膚之外，佢仲係比較輕盈清爽，搽响手更快吸收但保濕效果一啲都唔會差咗，加埋有SPF15防曬，更適合平時帶出街使用。