BoLeePinkOn

用來按摩好舒服，過後肌膚柔軟咗不少但完全唔油腻。隔一排發現大腿橙皮纹減少咗，皮膚亦比用之前緊緻亮澤，效果幾好，會有興趣返轉頭嘅産品。

擠出來感覺幾滑下，响塊面好容易推開，有啲柑橘香味聞到覺得幾醒神，按摩後超快吸收，不殘留不油腻，美白效果顯著，因為果排有暗瘡印用佢係淡得快咗。

呢款Kate出嘅磨砂係好用嘅，粒子幼滑兼且有埋水楊酸保持肌膚狀態平衡保濕，磨走咗D死皮同黑頭，勁乾淨~但又唔會令肌膚變dry，係就係貴咗啲，但效果好就唔肉痛架啦。

呢隻美白真係幾有效，膚色暗啞問題改善咗不少，暫時未見到好美白但望起來比之前亮澤均勻，精華露質地偏水狀，好快俾肌膚吸收，有D淡香，自然易接受。

好鍾意呢隻YSL幻彩粉盒，仲要係限量版，價格雖然唔平但尚叫合理，果斷入貨，打開無令我失望，粉質非常細腻，掃上面效果靚又唔誇張，氣息好睇咗不少。

試完俾我感覺一般，效果有少少但唔突出，可以一試，但唔特別推薦，不過佢勝在有幾種颜色代表唔同嘅用處，可以針對面上各自不同問題敷上需要果隻，如果响功效上能夠再加強D就更好！

平得來幾好用，不妨一試，有少少香味無咩特別，泡沫幾豐富同洗面夠乾淨，用完無出現任何不適或繃緊過乾。美白緊緻唔覺有，但就以洗面膏來說係合格有餘。

好用同有啲驚喜，睇個名以為只係平時用開果D咁，淨係用來保濕，原來佢仲係一隻幫助肌膚排毒清潔嘅面膜，敷完乾淨又水潤，仲有呢隻面膜成分天然，連孕婦亦可以用~

我鍾意佢嘅質地同剪裁，敷面時頗舒適。用後保濕效果滿意，個人無feel到刺激或出現敏感，美白效果我就覺得佢係慢慢改善，唔係令人一敷就漂白果隻。

Erno Laszlo活性滋潤潔面梘用咗肌膚乾淨仲好保濕，主要添加咗獨創 phelityl保濕複合物，能夠維持肌膚油脂平衡，洗完面非常舒適無再繃繃緊。

呢一隻薰衣草香梘講功能嘅話其實又無咩特別嘢可以分享，不過就幾襟用同泡沫溫和幼細，主要原因係鍾意佢隻薰衣草香，香氣好清新天然聞落去令人非常之relax。

覺得呢隻平得來又唔差喎，ok好用架，敷上面幾貼幾舒服，裡面有橄欖提取植物性角鯊烷，除咗保濕之外仲加強肌膚防禦保護能力，無再咁容易乾燥同敏感。