BoLeePinkOn

價錢唔平但算合理之中啦，因為係幾好用嘅，成份天然，質感舒服唔痴嘴唔油膩。爆拆，甩皮問題改善到，滋潤效果亦叫做keep到啲時間唔使成日下下要拎出嚟搽。

因為工作關係雙腳容易浮腫疲倦，所以一有空閒時間會浸腳鬆弛下，呢隻薄荷清涼足部浸劑唔錯，薄荷涼浸浸令雙腳好relax,小腿肌肉無再咁繃緊。

泡泡擠出嚟成朶玫瑰咁好靚，而且潔面效果不錯，覺得價格算係合理。泡沬豐富，含有保濕精華及膠原蛋白，洗面乾淨之餘感覺水潤，香味亦算清新自然。

本身幾喜歡香蕉口味奶昔所以對呢隻沐浴霜同樣抱有好感，我覺佢都算少少貴，好用程度ok，味道香甜，泡沬一般豐富，沖完涼皮膚感覺還不錯但又未到好正嘅lv。

買呢隻維他命舒緩面霜功能已經唔係重點，當然試過感覺唔差先入手，講真效果普通，算幾舒服保濕，主要原因係……個包裝實在太太太得意呀～～

見到隻洗髮皂覺得幾得意但心諗會唔會用得好論盡架？試完比想像中還好，因為起泡容易而且唔一定要先响手度「卒」，洗濕頭直接搽塊肥皂响頭髮一樣OK！

呢隻黃瓜藤潔面乳我幾鐘意，佢不含油份，洗面感覺好清新溫和，任何類型肌膚都啱用，呢隻寫話可以輕度落妝，所以都係會先做返正常卸妝先再用佢洗多次面。

秋冬天氣果排用過，呢隻印象唔錯，沖涼幾乾淨又滋潤，過水容易，唔會滑潺潺。沖完涼肌膚keep住柔軟感，唔即刻搽潤膚露都唔會覺得好乾燥難受。

Lush Koyaanisqatsi Shower Bomb慢活沐浴汽泡彈，天藍色彩十分繽紛可愛，配合薰衣草、依蘭依蘭及紫羅蘭葉，沐浴汽泡彈在流水下融化，釋出精油和泡沫，潔淨肌膚而且散發出的香氣很治癒，令人心情放鬆。當中的海藻酸鈉，有助軟化肌膚。

呢隻沐浴露價錢便宜但質量都唔錯，冲涼時氣味清香仲幾舒服乾淨，用後我覺得滋潤感一般還可以但至少唔會令肌膚乾燥。

The body shop士多啤梨味補濕噴霧功效就一般般，有少許保濕，唔好太有期望，買嘅主因係隻士多啤梨好sweet清香，令我不得不愛啊~

又係時候換身份証，但化行個妝去影效果可能分分鐘適得其反，不妨試下呢隻零瑕乳液，佢有D粉末吸走面油同利用光線效果淡化瑕疪，唔化妝影相一樣咁好睇。