BoLeePinkOn

好多人以為油肌比乾肌襟老，講真而家生活壓力加污染問題大家半斤八両，但大多數抗衰老産品啱乾肌為主，呢隻精華好貼心，抗皺保濕之餘係無油配方，用後感覺相當水潤清爽。

一開始塊面拮拮地，但好快消失，不過亦聽講有D人刺痛感會持續，可能未必個個啱用。我自己覺得佢保濕效果唔錯，無咩特別香味，唔鍾意一點係質地較為杰身，要化啲時間先搽得均。

Sur pur 魚子保濕精華，搽上肌膚後，唔使一陣就feel到塊面飲飽水一樣，緊緻而且富有彈性，含珍貴魚子為肌膚注入水份，再加上破玻尿酸保濕鎖水，效果令人相當滿意呀~

LANCOME展扇濃黑防水睫毛膏效果持久，KEEP住全日自然柔軟。另外好欣賞佢嘅天鵝頸型刷柄，靚得有實際用處，可以就返面部輪廓，唔再下下頂住咁麻煩~

保濕做得非常好，快速、深層、鎖水效果持久，同類産品中箅幾出色，唯一唔滿意係價格略高份量太少，好快用曬所以未必吸引我再買，畢竟末至於好到無可取代...

呢隻亮肌幹細胞護理油比起一般精華油更加快速滲透肌膚底層，能有效鎖住水分。佢質地清爽唔黏腻，即時feel到面上肌膚變得柔潤，對改善細紋缺水問題好有效~

Orlane Brightening Micellar Water集卸妝美白於一身，質地水狀，略帶滋潤感，落妝效果出色，輕輕一抹就帶走絕大部分彩妝污垢，而且可以唔使過水，幾方便下，用一段時間後膚色亦變得較為亮白。

叫多角度微注緊塑眼霜，即係話唔使揍針都有微調效果啦。講返隻眼霜，無講到咁誇，但好用，啫喱質地冰涼清新，舒緩疲倦同保濕呢兩方面好得，但緊緻效果就一般般。

呢隻面霜夏天用對我來講唔太適合，但冬天就相當唔錯，佢質地比較潤澤感重，所以好啱冬季或者乾性肌使用，可以即時軟化角質層，令肌膚變返柔軟唔再繃緊~~

我幾喜歡呢個産品，佢內含滋潤雙唇嘅玫瑰花花蠟同調理乳木果油成份，令唇部肌膚柔軟亮澤，仲備有幾種不同嘅自然色彩，令雙唇變到好似玫瑰花瓣一樣咁靚~

講真呢一隻玫瑰花卉水話好保濕我係唔多覺嘅，不過我無將佢打入冷宮，因為佢隻玫瑰味好清新自然，同埋涼涼地幾舒服，會放响手袋得閒噴下，感覺非常relax~

呢款LaViana淨亮保濕霜很不錯，夠晒保濕，搽完幾舒服，個樣睇落無咁疲倦暗啞，好似精神咗，天氣乾燥時又可以當水份面膜用，我覺得認真叫做物超所值下~