BoLeePinkOn

首先我係好鍾意佢嘅玫瑰香味，好自然同埋keep得幾耐，每次搽完都要索返夠本先安樂，質地我覺得幾潤下，唔算係清爽型，不過吸收力唔錯，冬天用非常適合。

呢隻乳木果輕凝潤膚霜比起傳統嘅更加輕盈透薄同容易吸收，唔使等冬天，依家咩季節用亦無問題，玫瑰，雲呢拿再加上青檸芳香怡人，直情一年366日都啱用啊！

搽上面質感好水潤，完全不油腻，鍾意清爽多過潤澤嘅人士會較為滿意，另外佢所含有嘅專利成分對改善暗沉幾有用，膚色亮白咗有健康嘅光澤感，唔係得個白字。

Melvita有機黃金全效修護油用途真係非常全面，滋潤得來好快吸收，唔會覺得油笠笠，我比較鍾意用來做身體按摩，令成個人好放鬆，仲有用來焗油效果亦係唔錯~

潔面泡泡質地柔軟，好似軟雪糕~加入咗碳酸成份，促進血液循環，令面色都靚啲~洗面時感覺溫和，清潔效果滿意而且洗完皮膚好舒服，無任何繃緊或者不適感。

呢隻粉底質感唔錯，好輕盈透薄，化出來嘅效果亦幾細緻自然，佢含有維他命C E，玫瑰花蠟，所以對肌膚都頗為呵護，但我就覺得keep得唔算好持久。

LANCOME呢隻昇華再生精華粉餅超好用！粉質勁滑，而且搽上面完全唔乾，因為佢內含珍貴精油成分，潤澤肌膚，隨時補妝都無有怕呀~

幾鍾意佢嘅質感同香味，拍上面果刻覺得好清新Refresh，涼浸浸勁舒服，保濕效果唔錯兼且可以收斂毛孔同消除面部浮腫，夏天用特別正呀。

呢隻特效保濕精華對之後用其他産品效果提升不少呀，本身質地就非常細緻，好快滲透，加强保濕滋潤。唔鐘意用有色底霜可以用佢打底，有助妝容更加貼服持久。

我覺得隻面膜係值得呢個價格，因為佢美白效果確係幾出色，佢唔係漂到塊面死白無血色果隻，而係令到膚色更均勻透亮，有健康感果種白，絕對值得一試啊~

就算年纪不大一樣有面部鬆弛嘅危機，呢隻雅思臻顔緊緻輪廓精華液可以幫助面部線條回復清晰，改善浮腫問題，質地亦好順滑易推開，仲幾夠水潤保濕，唔錯啊~

質地係白色乳液狀，隻味幾香下，搽上去唔黏稠，推開後亦好快吸收。用咗幾日觀察，發現佢响滋潤保濕效果呢方面頗為出色，明顯見到肌膚變得更加有光澤感~