BoLeePinkOn

Color Combos呢一set順滑閃燿眼影粉我覺得啲色幾靚同幾自然，仲有好貼服，色澤持久，有少少珠光效果對眼望落大咗啲兼且更有神彩。

Benefit嘅胭脂水一向效果靚又可以做埋唇彩，見到呢一隻紫蘭初頭覺得好會唔會隻色誇張咗啲只啱晚妝用？原來擔心係多餘，出來色澤非常自然，睇落面色好咗。

一年四季都需要做防曬，但夏天產品去到冬天就唔多啱用，呢隻我就覺得好適合，防曬同時做埋護膚保養，質地潤澤但唔油膩，搽面部同身體亦無問題。

其實唔會預期咩特別正嘅效果，就係正常一支有色潤唇膏，OK滋潤咁，同平時啲三十零蚊貨仔差不多，個價錢一部份係要嚟交造型費，貪其可愛。

呢一套旅行套裝好方便，有曬刷牙洗面洗頭沖涼用品，平時啲set都係得其中某幾樣好少咁齊全，仲要包套輕巧造型得意，帶住去旅遊心情都靚啲啊！

呢隻玫瑰花水補濕面膜我非常鍾意，打開包裝袋已經聞到淡淡的玫瑰香，好醒神，使用過程亦感覺非常舒服, 保濕之餘清爽唔笠，性質溫和，連敏感肌都用到。

香港污染嚴重生活壓力勁大，皮膚都零舍毒過人，呢隻排毒面膜真心唔錯，好用。用咗覺得肌膚好乾淨，望落緊緻咗，有返精神。

Color Combos霜狀持久胭脂質地幼滑，用起來都幾方便，唔用掃就咁用手指輕輕沾少少响面上推開，效果好靚又自然，持久度亦keep 得唔錯。

呢隻眼影底霜唔錯，注重眼妝嘅朋友認真考慮入返支啊，一來用後眼影效果靚咗同更持久，二來又有抗老化成份保護眼部肌膚，keep住對眼有無化妝都咁靚～

呢隻椰子油精華磨砂好正，打開就聞到好香椰子味，勁有夏日feel啊，磨砂粒子幾幼滑，加埋椰子油滋潤，做完磨砂後肌膚變得更光滑細緻～

The body shop 出咗呢一系列嘅身體保濕乳酪實在深得我心，佢滋潤力強勁但完全唔笠，用咗皮膚好滑好正，一年四季都用得，而且有好幾款香味選擇，啱曬我呢d貪心之人，今次試辣木，香味獨特而且幾清香，有新鮮感~

The body shop 杏仁奶身體保濕乳酪，保濕得來一D都唔油膩，啫喱狀質地搽响肌膚上完全無任何厚重感，就算夏天用亦唔笠，香味甜甜地唔會太濃，有機杏仁奶成份對滋潤肌膚非常有幫助，效果仲維持到更加長時間~~