BoLeePinkOn

The face shop迷霧唇膏筆我覺得唔差，質地滋潤但唔會整到個嘴油淋淋，敏感肌膚都可以搽，仲有幾鍾意佢個筆頭設計，唔怕會畫過界。

The face shop出呢一隻石榴亮白面膜超得意呀，敷上面變咗阿森一族，好搞笑。面膜本身都不差，幾舒服，用完有美白保濕效果。

呢隻深層美白俢護面膜美白效果唔錯，其實早前擺埋咗一邊，夏天用覺得潤咗啲，但最近天氣轉涼用就啱啱好，敷完塊面又白又滑啊~

Jo Malone London 身體及護髮油一支同時護膚兼護髮，非常實用，佢質地係油但好清爽，吸收得好快，只會留低滋潤感而絕不油膩，使用後全身感受到柑橘清香。

講真買完後無用到，所以無咩心得或感想，因為只係咁橋行開Etude House 見到呢套嘢，買咗嚟做交換禮物用!外型可愛，整到成個迷你汽水售賣機咁，朋友抽到時亦好開心，不過就話效果一般咁囉..

呢個面膜唔錯，可以一試，唔貴又容易買得到，而且係幾有效，敷完面膜後好保濕滋潤，皮膚摸落去FEEL到比未用前飽滿有彈性，不過講真又未去到勁有效咁誇，但價錢同效果加埋我覺得合理，用得過~

見到佢係礦物配方，加上天然成份兼有植物精華睇來唔錯就試下，搽上嘴的確係幾滋潤同埋唔痴笠笠，質地我覺得係幾好，顏色方面我就一般，正常潤唇彩唔預有驚喜，顯色度一般，淡淡地幾自然。

On the body 呢個牙刷掛鉤得意之餘又夠曬實用啊，掛响牆壁度唔單止令平淡嘅環境增添不少趣味，而且浴室比較潮濕其實牙刷好易吽出細菌，將佢地擺入掛鉤放置於通風處，既慳位又乾淨衛生~

鍾意佢原因一則佢造型好得意，色彩繽紛令人愛不釋手，我覺得價錢唔係貴，同埋真係用得著，唔係買嚟純粹裝飾，其二則係我本身一向用開細刷頭加軟毛牙刷，呢隻完全合符合我嘅要求。

啫喱狀眼膜涼涼地好舒服，我鍾意雪凍先敷，更有效消除眼睛疲勞同浮腫，仲有我覺得幾方便，唔似傳統紙質眼膜D精華液會流落嚟，貼住都可以照睇書玩電腦，用咗半盒眼紋有幫助但黑眼圈暫時未覺。

呢隻面膜功效唔錯，有燕麥，牛奶，薰衣草，甘菊，高嶺土同玫瑰花瓣等成份，有溫和去角質，深層清潔，淨化排毒及舒緩鎮靜等功效，敷完面乾淨而且舒服，唔會好乾，問題係要自己溝，稍嫌過程麻煩。

呢隻真係我呢類怕凍人士冬季恩物，太凍搽cream又要等佢吸收真係頂唔順，佢就好方便我，只要沖涼時最後塗均繼續過水，抺乾身後肌膚就輕鬆keep住水嫩潤澤