BoLeePinkOn

搽上暗瘡位皮膚感覺唔多舒適，搞到乾爭爭同有啲乸乸地。去暗瘡效果，算係有些少嘅，但唔用佢又差無幾，幫助其實不大。用後感純粹用嚟花咗筆錢。

好易控制，質地滋潤，唔算得上超强勁遮瑕不過一般人已夠用，效果自然貼簿，keep得耐，顔色選擇豐富，好多遮瑕膏得一兩隻色，未必人人match到，呢點佢做得幾貼心。

清涼感，，有舒緩過敏，抗炎等功效，適合香港呢種潮濕又不穩定嘅天氣，用來做定妝或補妝都好正，噴完肌膚幾夠保濕，如果就咁補粉嘅話，好易一撻撻變厚粉人，但係用咗妝容就變得更貼服，同無咁易脫妝。

kiss me mascara 質量一向不錯，價值親民，防水防油效果良好，即使油眼都唔輕易溶妝，用後睫毛也很濃密根根分明，有點自然卷曲的效果。

一般而已，唔會特登好想去回購，有啲補濕，同埋唔算好笠，但完全見唔到美白嘅效果，似普通滋潤mask，價錢平平地又唔太差嘅水平。

貪得意買嚟玩過下，幾方便一擠出來就用得，當護髮素咁搽就OK，有D護髮功用，幾順滑下，但我就完全無染髮效果，呢類型產品我諗只係適合本身漂到好淺色嘅朋友，唔想漂頭又想有染髮效果人士，都係乖乖用返正常PRODUCT吧啦。

顯色度高，色調鮮明有活力感，塗抹在嘴巴唇上像真度頗高，價格偏大眾化，玩得過。質感尚算柔軟，雖然不特別強調保濕潤唇功效，但係一般女士用已經OK，唔會乾澀。

卸妝油來計FANCL 呢隻可以列入我認為好用之列，首先落妝乾淨，濕水後乳化速度亦很快，做到快速清除彩妝及殘餘污穢，洗完臉仲幾清爽下唔覺油膩

好用，顏色選擇多又靚，用料不含苯甲酸酯、香料，過敏性低，唔易引致敏感，敏感眼睛都唔怕，雖然百零蚊又望上去細細盒，但份量幾襟用下，乾濕兩用效果均不錯，但濕用稍勝一籌，而且可以混搭營造屬於自己嘅色彩風格，淺色系列又可以做highlight，唔錯。

士多啤梨香，呢個樣我諗係唯一吸引我買嘅原因，香味我覺得唔算假ＯＫ，但真係過份甜咗，聞多幾次就審美疲勞。如果清淡返少少會多Ｄ人受落。但用後有點失望，除咗得個香字無咩用，比佢平嘅產品好多都有差不多甚至更好嘅水準︿無回購吸引力。

泡沬豐富細緻，好輕易就捽到起泡，鍾意泡泡多嘅朋友應該會滿意，我覺得水準平均。ＫＥＥＰ到保濕，試用時響夏天，用完確係唔笠摸落有啲柔軟無繃緊情況出現，清爽度及清潔效力我俾普遍啦，同一般開架品牌差無幾。

手部護理同樣唔可以馬虎。平時只係搽HANDCREAM 根本唔足夠，日積月累形成死皮倒刺，就算用更好產品吸收力亦大打節扣，呢隻磨砂效果不錯，用完後變得白滑而且用法簡單到連偷懶都無借口，一兩分鐘就搞掂，同平時去完廁所洗個手有咩分別？