BoLeePinkOn

試用後唔會好有興趣回購嘅產品，未至於差，只係成件事普通到不能再普通，除咗叫做有D保濕外就咩都無，當然我唔係要求佢有特別功效，但作為保濕產品，滲透力同埋清爽感令我滿意程度只屬一般。

一直覺得眼唇要重點另外卸妝先至安心。呢隻卸妝液不經不覺賣咗幾耐下，證明有返一定水準吸引班固定捧場客。水狀質感，性質非常溫和，卸妝時無任何刺激或油膩感，有少少香味，可以接受，不足處係卸妝力普通，可能需要勤力，抹多一兩次。

妮維雅產品出名平靚正，呢支潤唇膏亦不例外呀!搽咗嘴唇變得柔軟亮麗，卻絕非"食完燒鵝無抹嘴"般油淋淋~。香味淡淡地夠自然，另外一讚佢質地夠硬淨，可能咁講有D怪，但試過差不多價位潤唇膏唔知何故都極易斷裂，所以呢點變我之加分位.....

朋友力推話呢支好用，本著一試無妨之心態，咁唇膏呢家嘢，各位女士不會嫌多啩?使用後覺得又無介紹錯喎，搽上嘴夠顯色，COVER到本身嘅唇色。保濕度我都幾滿意但持久度就一般般啦，食完嘢始終都要補。

的確係快速補水，有時狀態唔好，又要化粧即刻整呢個水份面膜應急，即時保濕，皮膚回復柔軟，狀態叉足電，搽粉底都貼服返好多。

價格便宜，又一抵玩之選。多功能性，集美肌防曬和BB cream於一身。質地算細滑，搽在臉上唔乾，無卡粉，貼薄自然度都OK，不過遮瑕度同持久度我就覺得差D，之但係以呢個價位來計，真心唔差。

包裝簡單清雅，用法亦好方便，平時做蒸臉多數都係滴香薰油，呢次試下用茶，幾特別幾新鮮!丟一粒入熱水，隨住水蒸氣散發出普洱茶香，感受優雅中國傳統氣息，清潔毛孔同時身體心靈徹底放鬆~~

試過嘅暗瘡產品不多，呢個係其中之一，身邊啲人都推介茶樹油，話殺菌去暗瘡好有效，但唔知係我體質問題定咩，茶樹產品用响我度無咩作用。同埋呢支暗瘡棒個設計唔多衛生......

The body shop藍粟米面膜用完皮膚好乾淨，有磨砂粒粒，幫助帶走死皮，黑頭同埋油脂都清咗好多，只係稍為乾燥，做返好保濕就無問題。

氣息怡人，玫瑰香，薰衣草香恰到好處，不會過份濃烈~而且效力也很不俗，沐浴後除了芳香也感受到肌膚變得潔淨柔軟，本地品牌其實值得支持呀！

有好多手霜滋潤度都好好，但無奈都比較偏膩，唔係咁方便日常返工，呢隻精純玫瑰護手霜係唔錯選擇，保濕得嚟滲透幾快，keep住雙手清爽。

打開蓋聞到好香士多啤梨味，磨砂粒粒幾幼細，不過唔多好用，feel唔到磨砂效果，似普通沖涼啫喱，同埋每次擠較多份量先夠用，勁快用曬，計落其實幾貴。