BoLeePinkOn

好香蜜糖味，兼且幾滋潤下，潔淨力就一般，沖涼效果比洗頭好，平常唔會點用呢類幾合一產品，始終覺得分清楚好啲，會選擇旅行，或者去泳池時使用。

包裝靚加價格便宜再加細細盒已經係吸引人買主要原因，入齊咁多隻色都唔肉痛呀！最緊要係質地唔差，像真度高，又夠顯色。

乳液偏啫喱狀，帶水感，搽上臉幾舒服，唔會笠痴痴。香味清新自然，令人精神爽利。滲透力良好，用後感受到保濕，而且有效對抗污染，令膚質更健康緊緻，值得一試。

Olay 一向俾我感覺係比較膩，估唔到呢隻長效保濕露竟然唔錯，質地清爽，保濕keep得到一段長時間，絕對係抵用之選。氣味正常，談不上芳香撲鼻，但唔難聞。

面膜紙夠厚身呢點加份，試過有啲太軟太薄好會難打開！甚至扯爛！有埋眼膜位，幾好，只係不是我心水，保濕美白效果還好，主要係太“笠”，個人不喜。

價格親民，但係效果一啲都唔弱！由天然水所製造，洗面後使用，可以做到更進一步清潔，去除老廢角質，同時保濕，真正做到維持肌膚平衡。

泡泡擠出來很濃厚棉密，帶有檸檬香味，採用維他命C酵素配方，有效去除堆積毛孔中的廢棄角質污穢。用後感，清潔效果可以，但如果是夏天面油多的人士，可能會覺得稍為不足了。

Be delicious 系列，蘋果造型簡單可愛，金屬冷感的瓶蓋與滿載晶瑩粉嫩香水的瓶身，配搭出奇地和諧，香氣清徹有層次，爽朗中不乏性感。

含高濃度維他命c，有股檸檬味道，管口設計幾好，每次出少少唔會失手擠多咗，講真唔太差，去到印，只係成效較慢，但我唔太鐘意個質地，太油。

泡沫細膩豐富，清潔效果一流，好乾淨，好溫和，容易清洗，有微微奶香味。洗完我就唔覺好明顯保濕但舒服自然，皮膚唔繃緊。如果真係要數缺點係每次用要用舊海綿慢慢搓到起泡，無得偷懶....

聞落好香甜生果味，我個人非常鍾意。功能就無咩特別之處，都係同市面其他唇彩咁上下，搽完個嘴令令地同埋顏色會比較淡，不過我都會揀佢多，坊間有D唇彩陣味麻麻仲好痴笠笠，the body shop 始終稍勝一些~

黑糖味聞落勁甜，質地偏黏稠，顆粒明顯較粗，磨砂時要注意一下力度。不過黑糖本身有滋潤作用，所以洗完面會發現皮膚好乾淨柔軟，完全唔會有乾澀感