hehawewa

質地水潤易推，延展性佳，保濕力強，顏色初時會覺得較深色，但搽上面其實好貼近膚色，好自然，唔會死白。控油程度唔錯，唔浮粉，只係T字位出少少油，妝感持久度高。

卸妝油透明無味，質地溫和不刺激，非常好乳化，卸得好乾淨，多按摩幾下防水睫毛膏都卸清，唔會澀眼，用後皮膚唔乾唔痕、水嫩滋潤。

超好用的蜜粉，粉質超細緻，用粉刷輕輕一掃，貼服透薄，蜜粉顏色偏白帶有珠光，遮暇度ok，控油程度高，妝容持久自然，可惜有飛粉問題。

可以好好控制用量，好容易推開，質地比較偏粉底液，同一般BB霜相比較厚重，滋潤感較高，適合冬天用多啲。遮瑕效果比較好，一般痘疤、黑眼圈、毛孔都可以遮到80％以上，妝感透薄偏霧面，不易脫妝、浮粉。

粉質細緻，唔容易飛粉，柔順易上色，妝感貼服，亮麗而不誇張，特別鍾意佢每次上色都好淡，可以一層層加色，化淡妝丶濃妝一樣輕而易舉。

呢個眼影絕對係今年聖誕前必入手item！顏色超閃，質地細緻，不掉粉粒，輕輕一抹即上色，貼服持久，眼妝勁閃、勁sharp！

呢款妝前底霜超補濕，好好用，冬天必備化妝必備！質地容易推開，搽喺面感覺有提亮膚色，而且佢滲透度好高，皮膚吸收快，保濕鎖水，滋潤唔油笠，之後上妝好貼服自然。

薄梳刷頭，有彈性，唔刺激眼睛，搽上睫毛好快乾，唔會沾染到眼周，而且明顯增加睫毛濃密度與色澤，持久度唔錯。

雙色眼影細細盒，方便攜帶，眼影質感佳，一深一淺顏色，輕易做出煙熏妝，顯色度好高，輕輕一掃就上色，妝感透薄貼服，可以一層層加厚上色，化出想要效果。

唔容易飛粉，質地唔乾，粉質細緻，好易推開，遮暇效果好好，對毛孔、黑眼圈、暗瘡印都遮得到，仲可以均勻同提亮膚色，妝感自然貼服，持久度高。

唇膏質地易推，滋潤順滑，冇香味，完全不須護唇膏即可直接塗抹，易上色，保濕度高又不黏笠，顯色度高，仲有效遮蓋唇紋，但持久度一般，要經常補色。

粉質細緻，絲般質感，不飛粉，貼服易推，有微微珠光，用少少已經好顯色，妝感自然持久，全日都唔會出油，一盒可以用好耐，性價比高。