hehawewa

控油效果算唔錯，持妝度都幾好，不過唔知係我塊面混合性定點啦，兩邊臉好似因爲過度控油，皮膚好乾，反而T字位就好ok。

雖然個人比較鍾意用缷妝水嚟缷妝，不過始終眼妝部分用缷妝水好難清潔得乾淨，都係感用缷妝油好啲。DHC橄欖水潤潔膚油係我用過咁多隻潔膚油中數一數二，缷得乾淨又滋潤，仲有淡淡橄欖味，個人勁like！

之前用開嘅洗頭水突然唔再出，正煩惱用邊隻洗頭水時，俾我喺萬寧發現到Ma Cherie飄盈香檳洗髮露，佢同我用開嗰隻一樣都係shiseido公司出，我就即管買嚟試試，果然係同一間公司出，冇令我失望。由於我啲頭髮幼，好易出油，早一晚洗頭，第二日未到夜晚已經油笠笠，頭頂又扁又塌，不過用呢隻完全就冇呢個問題，真係做到air feel效果，而且個味仲好香添！

Biore產品出名性價比高，質量好、價錢平，呢支深層潔淨卸妝水（水潤型）又係勁好用，缷得好乾淨，又唔會令皮膚好乾，不過個人覺得用嚟缷淡妝效果好啲。

據聞呢支防曬啫喱好好用，強國人去到日本藥妝店瘋狂搶購，掃到斷晒貨，搞到要限定每人每次限定購買5支。見大家搶到咁，咁啱我去日本，又有朋友托買，就順便買支自己試下，質地都算易推，冇乜味道，其實就同其他防曬啫喱效果差唔多，但佢價錢就貴啲，我又覺得唔使特突登買佢啫。我喺日本買大送細，叫做平咗啲架喇！哈哈

本身塊面係混合性肌膚，T字位特別容易出油，化妝半日未夠已經滿臉油光，用咗Sofina呢支long keep base，堅做到控油效果，雖然冇佢標榜10小時咁耐，但已經比未用前好好多。不過佢都有缺點，唔係支支foundation都夾到，用時要留意啦！

NIVEA 3合1清爽缷妝潔面棉超好用、勁易抹，連防水眼綫都抹得一乾二淨，我自己每次用兩張就夠，一包25張，價錢又唔算貴，帶去旅行就最方便。